Niverow 1:4 - An Bibel Kernewek 20234 (Kernewek Kemmyn)

⁴ Hag y fydh genowgh gour a bub loeth, pubonan ow pos penn y deylu.

Niverow 1:4 ပူးပေါင်းရင်းမြစ်များ

1 Myghternedh 8:1

Ena Solomon a guntellas henavogyon Ysrael hag oll pennow an loethow, ha hembrenkysi chiow tasow Ysrael, a-rag myghtern Solomon yn Yerusalem, rag dri argh kevambos an Arloedh yn-mes a sita Davydh, hag yw Sion.

Eksodus 18:21

Dhe voy, dewis gwer abel yn-mes a'n bobel oll, neb a berth own Dhuw, gwer a yllir aga threstya ha kas gansa falswober; ha gorr gwer a'n par ma a-ugh an bobel avel rewloryon a vilyow, a gansow, a hanter-kansow hag a dhegow.

Eksodus 18:25

Moyses a dhewisas gwer abel yn-mes a oll Ysrael, ha gul dhedha bos pennow war an bobel, rewloryon a vilyow, a gansow, a hanter-kansow hag a dhegow.

Niverow 1:16

An re ma o an re apoyntys yn-mes a'n kuntelles, hembrenkysi loethow aga thasow, pennow kordhow Ysrael.

Niverow 1:44

An re ma o an re niverys, neb a wrug Moyses hag Aron aga nivera gans gweres an hembrenkysi a Ysrael, dewdhek gour, pubonan rag chi y das.

Niverow 17:3

ha skrif hanow Aron war welenn Levi. Rag y fydh unn welenn rag penn chi pub tas.

Niverow 25:14

Hanow an gour ledhys a Ysrael, a veu ledhys war-barth gans an Vidyanyades, o Zimri mab Salu, penn chi tasek an Simeonysi.

Niverow 25:4

ha'n Arloedh a leveris dhe Moyses, ‘Kemmer oll pennow an bobel, ha'ga kregi y'n howl a-rag an Arloedh, may treyllyo sorr fers an Arloedh dhiworth Ysrael.’

Niverow 30:1

Moyses a leveris dhe bennow an loethow a vebyon Ysrael: Hemm yw an pyth re worhemmynnis an Arloedh.

Niverow 4:34

Ha Moyses hag Aron ha hembrenkysi an kuntelles a niveras mebyon an Kohathysi, herwydh aga theyluyow ha chiow aga thasow,

Niverow 7:2

hembrenkysi Ysrael, pennow chiow aga thasow, hembrenkysi an loethow, esa a-ugh an re a veu niverys,

Dewteronomi 1:15

My a gemmeras pennow agas loethow, gwer fur hag aswonnys, ha'ga settya avel pennow warnowgh, kaptenyon a vilyow, kaptenyon a gansow, kaptenyon a hanter-kansow, kaptenyon a dhegow, ha soedhogyon rag agas loethow.

Yoshua 22:14

ha ganso deg penntern, unn penntern a bub loeth a Ysrael, ha pubonan penn chi aga thasow yn mysk kordhow Ysrael.