Nehemia 9:24 - An Bibel Kernewek 20234 (Kernewek Kemmyn)

²⁴ Aga mebyon a entras hag erita an tir, ha ty a fethas a-dheragdha annedhysi an tir, an Kananysi, ha'ga ri yn aga leuv, gans aga myghternedh, ha poblow an tir, may hwrellens gansa herwydh aga flesour.

Nehemia 9:24 ပူးပေါင်းရင်းမြစ်များ

1 Kroniklys 22:18

‘A nyns usi an Arloedh agas Duw genowgh? Hag ev re ros powes dhywgh a bub tenewen? Rag ev re dhelivras trigoryon an pow yn ow leuv, hag yma'n pow fethys a-rag an Arloedh ha'y bobel.

Ester 9:5

Ha gweskel oll aga eskerens a wrug an Yedhewon dre strokosow an kledha, ow ladha hag ow tistrui, hag i a wrug pynag ve da gansa orth an re a's kasa.

Niverow 14:31

Mes agas re vyghan, a leversowgh a wre ha dos preydh, my a's dre a-ji, hag i a wra aswonn an tir re dhispresowgh.

2 Timothi 2:26

ha rag may tehwellons dhe dhivedhowder yn-mes a vaglenn an jowl, maglennys ganso dhe wul y vodh.

Yoshua 10:40

Ytho Yoshua a weskis oll tir an vro venydhyek, an Negeb, an Shefela ha'n ledrow hag oll aga myghternedh; ny asas dhe vos gesys denvyth. Ev sakras dhe dhistruyans pup-tra a anellas, dell worhemmynnis an Arloedh, Duw Ysrael.

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 12:12

myghtern Eglon, onan; myghtern Gezer, onan;

Yoshua 12:24

myghtern Tirsa, onan; oll an myghternedh unnek warn ugens.

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Yoshua 21:43

Yndella Arloedh a ros dhe Ysrael oll an tir a dosa y ri dh'aga thasow; hag i a'n eritas, ha triga ynno.

Yoshua 21:45

Ny fyllis nagonan a'n ambosow da re gowssa an Arloedh dhe ji Ysrael; pubonan oll a veu kollenwys.

Breusysi 4:23

Yndella y'n jydh na Duw a uvelhas Yabin myghtern Kanan a-rag mebyon Ysrael.