Nehemia 5:13 - An Bibel Kernewek 20234 (Kernewek Kemmyn)

¹³ Ynwedh my a shakyas pleg ow fows ha leverel, ‘Yndellma re shakkyo Duw yn-mes dhiworth y ji ha dhiworth y lavur pub gour na with an ambos ma. Yndella re bo shakys yn-mes ha gwakhes.’ Hag oll an gesva a leveris ‘Amen’ ha gormel an Arloedh. Ha'n bobel a wrug war-lergh an ambos ma.

Nehemia 5:13 ပူးပေါင်းရင်းမြစ်များ

2 Myghternedh 23:3

An myghtern a sevis ryb an goloven ha gul kevambos a-dherag an Arloedh, dhe holya an Arloedh, dhe witha y worhemmynnow ha'y dhustuniow ha'y ordenansow gans oll aga holonn hag oll aga enev, dhe fastya geryow an kevambos ma a veu skrifys y'n lyver ma. Hag oll an bobel a sevis y'n kevambos.

1 Kroniklys 16:36

Benniges re bo an Arloedh, Duw Ysrael, trank heb worfenn.’ Hag oll an bobel a leveris, ‘Amen’ ha gormel an Arloedh.

Nehemia 8:6

Hag Ezra a vennigas an Arloedh, an Duw meur. Hag oll an bobel a worthybis, ‘Amen, Amen’, ow trehevel aga diwleuv: hag i a blegyas aga fenn, ha gordhya an Arloedh gans aga fas dhe'n dor.

Salmow 119:106

My re dos hag afydhya, my dhe synsi dha vreusow gwiryon.

Salmow 50:14

Offrynn grasyans dhe Dhuw, ha kollanw dha ambosow dhe'n Ughella.

Salmow 76:11

Gwrewgh ambos dhe'n Arloedh agas Duw, ha'y gollenwel; oll an re usi yn y gyrghynn, drens i rohow dhe neb a dal perthi own anodho.

Lavarow Koth 28:4

An re a forsak an lagha a wormel an tebelwas, mes an re yw gostydh dhe'n lagha a striv er aga fynn

Ekklesiastes 5:5

Gwell yw na ambosydh ages gul ambos ha fyllel dhe attyli dhodho.

Niverow 5:22

re dremenno y'th kolodhyon an dowr ma a dhre an volleth ha gul dhe'th torr hwedhi ha'th vordhos gwedhra.’ Ha'n venyn a lever, ‘Amen, Amen.’

Matthew 10:14

Ha piwpynag na'gas degemmerro po na woslowo agas geryow, pan yllowgh yn-mes a'n chi po a'n sita na, shakyewgh an doust dhiworth agas treys.

Oberow 13:51

Mes i a shakyas an doust dhiworth aga threys er aga fynn, ha dos dhe Ikonium.

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

1 Korinthianys 14:16

Poken mar pennigydh y'n spyrys, fatell yll nebonan usi ynter an re heb dyskans leverel ‘Amen’ dhe'th grasyans, pan na woer an pyth a leverydh?

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.