Nehemia 4:4 - An Bibel Kernewek 20234 (Kernewek Kemmyn)

⁴ Klew, A agan Duw, rag dispresys on ni. Treyl aga thontyans war-dhelergh war aga fenn aga honan, ha'ga delivra dhe vos preydh yn bro mayth ons i kethyon.

Nehemia 4:4 ပူးပေါင်းရင်းမြစ်များ

Nehemia 5:9

Ytho my a leveris, ‘Nyns yw da an pyth esowgh orth y wul. A ny dalvia dhywgh kerdhes yn own agan Duw rag goheles keredh an kenedhlow, agan eskerens?

Salmow 79:12

Daskorr seythplek dhe askra agan kentrevogyon rag an skorn ma'th skornsons jy, A Arloedh.

Lavarow Koth 3:34

Orth an skornyoryon, ev a berth skorn, mes dhe'n re uvel ev a dhiskwa favour.

Kynvannow 1:22

Des oll aga drogober a-ragos; ha gwra dhedha kepar dell wrussys dhymmo vy drefenn oll ow threuspassow; rag pals yw ow hanasow hag yma ow holonn ow klamdera.

Hosea 12:14

Efraym re'n sorras yn hwerow; rakhenna y Arloedh a wra gasa warnodho y gabel-goes, ha daskorr dhodho y geredh.

1 Samuel 17:26

Davydh a leveris dhe'n wer esa sevys rybdho, ‘Pandr'a vydh gwrys rag an gour neb a ladh an Filistyas ma, ha kemmeres dhe-ves an meth dhiworth Ysrael? Rag piw yw an Filistyas antrodreghys ma may hyll ev defia luyow an Duw bew?’