Nehemia 2:8 - An Bibel Kernewek 20234 (Kernewek Kemmyn)

⁸ ha lyther dhe Asaf, gwithyas koeswik an myghtern, may rollo dhymm prenn dhe wul jistys rag yetow an palys, ha rag fos an sita, ha rag an chi may fydhav trigys.’ Ha'n myghtern a wrontyas dhymm ow gorholedhow, rag bos leuv dha ow Duw warnav.

Nehemia 2:8 ပူးပေါင်းရင်းမြစ်များ

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Ezra 5:5

Mes yth esa lagas aga Duw ow kwitha war henavogyon an Yedhewon, ma na wrussons aga lettya, bys pan dheffa an derivas dhe Darius: ha bys pan vo degemmerys gorthyp dre lyther dhe'n mater ma.

Ezra 6:22

ha solempnya goel an bara heb goell dres seyth dydh gans lowena, rag an Arloedh a's lowenhas, ha treylya kolonn myghtern Asshur dhedha, rag aga gweres yn ober chi Duw, Duw Ysrael.

Ezra 6:8

Gans henna, my a dhyllo arghadow dhywgh, pyth dhe wul dhe'n henavogyon ma a'n Yedhewon rag dastrehevyans an chi ma a Dhuw: bedhes an kost res yn leun dhe'n wer ma a-boynt, ma na vons lestys, dhiworth tresorva an myghtern, toll an rannvro Dres-an-Avon.

Ezra 7:6

an Ezra ma a dheuth yn-bann a-dhiworth Babylon; hag ev o skriba skentel yn lagha Moyses, a wrug an Arloedh Duw a Ysrael hy ri. An myghtern a wrontyas dhodho oll y worholedhow, rag bos leuv an Arloedh y Dhuw warnodho.

Ezra 7:9

Ev a erviras mos yn-bann a-dhiworth Babylon yn kynsa dydh an kynsa mis, hag ev a dheuth dhe Yerusalem yn kynsa dydh an pympes mis, drefenn bos leuv dha y Dhuw warnodho.

Nehemia 7:2

My a ros charj war Yerusalem dhe'm broder Hanani, ha dhe Hanania rewler an palys, rag ev o gour lel hag ev a berthi own a Dhuw moy es dell wra lies arall.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Ekklesiastes 2:5

My a wrug ragov vy ow honan lowarthyow ha lies paradhis, ha plansa ynna pub eghenn a frutwydh.

Ekklesiastes 2:6

My a wrug dowrarghow ragov, rag dowrhe dhiworta koeswik a wydh ow klasa.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Daniel 1:9

Ha Duw a wrug dhe benn an spadhesigyon diskwedhes favour ha truedh dhe Daniel.

Oberow 26:22

Bys y'n jydh ma my re gavas sokor dhiworth Duw, ha rakhenna my a sev ow tustunia orth byghan ha bras, heb leverel travyth marnas an taklow a leveris ha'n brofoesi ha Moyses y hwrens hwarvos,

Oberow 7:10

hag ev a'n sawyas mes a'y boenvos oll, ha ri dhodho favour ha furneth dherag Faro myghtern Ejyp, neb a'n ordenas governour dres Ejyp ha dres y goskordh oll.

2 Korinthianys 8:16

Lemmyn grasow re bo dhe Dhuw, neb re worras yn kolonn Titus an keth frethter a-barth dhywgh hwi,