Nehemia 13:25 - An Bibel Kernewek 20234 (Kernewek Kemmyn)

²⁵ Ha my a's keredhis ha'ga mollethi ha gweskel re anedha ha tenna yn-mes aga blew; ha my a wrug dhedha ti re Dhuw, ow leverel, ‘Na rewgh agas myrghes dh'aga mebyon, na kemmeres aga myrghes rag agas mebyon na ragowgh hwi agas honan.

Nehemia 13:25 ပူးပေါင်းရင်းမြစ်များ

2 Myghternedh 2:24

Ev a dreylyas a-dro ha mires orta ha'ga milliga yn hanow an Arloedh. Hag y teuth diw orses mes a'n koes ha skwardya dew flogh ha dew-ugens anedha.

Ezra 10:5

Ena Ezra a sevis, ha gul dhe ledyoryon an oferysi, an Levysi, hag oll Ysrael ti i dhe wul herwydh an lavar ma. Hag i a dos ti.

Ezra 7:26

Ha piwpynag na vynno bos gostydh dhe lagha dha Dhuw ha lagha an myghtern, bedhes breus gwrys warnodho yn straght, po mernans, po divroedh, po kemmeryans y byth, po prisonyans.

Nehemia 13:11

Ytho my a geredhis an soedhogyon ha leverel, ‘Prag yth yw forsakys chi Duw?’ Ha my a's kuntellas war-barth, ha'ga gorra yn aga thylleryow.

Nehemia 13:17

Ytho my a geredhis ugheloryon Yuda ha leverel dhedha, ‘Pyth yw an droktra ma esowgh hwi ow kul, ow tisakra dydh sabot?

Nehemia 13:24

ha hanter aga fleghes esa ow kewsel taves Ashdod po taves onan a'n poblow erell, ha ny wodhvons kewsel taves Yuda.

Nehemia 5:13

Ynwedh my a shakyas pleg ow fows ha leverel, ‘Yndellma re shakkyo Duw yn-mes dhiworth y ji ha dhiworth y lavur pub gour na with an ambos ma. Yndella re bo shakys yn-mes ha gwakhes.’ Hag oll an gesva a leveris ‘Amen’ ha gormel an Arloedh. Ha'n bobel a wrug war-lergh an ambos ma.

Nehemia 5:6

Ha my o pur serrys pan glewis aga garm ha'n geryow ma.

Salmow 119:53

Konnar a'm dalghennas drefenn an debeles, an re a forsak dha lagha.

Salmow 15:4

neb a dhispres an podrynn yn y wolok ev, ha neb a wordh an re a berth own a'n Arloedh; neb a de ti kyn fo dh'y dhregynn y honan ha ny dreyl dhiworto;

Eksodus 34:16

ha ty a gemmer a'ga myrghes dhe'th vebyon, ha'ga myrghes a wra horya war-lergh aga duwow ha gul dhe'th vebyon horya war-lergh aga duwow.

Lavarow Koth 28:4

An re a forsak an lagha a wormel an tebelwas, mes an re yw gostydh dhe'n lagha a striv er aga fynn

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

Dewteronomi 7:3

Na wra demmedhyansow gansa. Na ro dha vyrgh dh'y vab ha na gemmer y vyrgh rag dha vab;

Yoshua 23:12

Rag mar treylyowgh dhe-ves ha glena orth remenant an kenedhlow ma yw gesys yn agas mysk, ha mar junyowgh gansa yn demmedhyans, ha mar kowethyowgh gansa hag i genowgh hwi,