Nehemia 12:27 - An Bibel Kernewek 20234 (Kernewek Kemmyn)

²⁷ Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

Nehemia 12:27 ပူးပေါင်းရင်းမြစ်များ

2 Samuel 6:12

Y feu derivys orth Davydh, ‘An Arloedh re vennigas chi Obed-edom ha pup-tra eus dhodho, drefenn argh Duw.’ Ytho Davydh eth ha dri yn-bann argh Duw a-dhiworth chi Obed-edom a-ji dhe sita Davydh gans lowena,

1 Myghternedh 8:63

Solomon a offrynnas avel offrynn kres dhe'n Arloedh dew warn ugens a ojyon ha hwegh-ugens mil a dheves. Ytho an myghtern hag oll an Ysraelysi a sakras chi an Arloedh.

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 15:12

ha leverel dhedha, ‘Hwi yw pennow teyluyow an Levysi; sakrewgh agas honan, hwi ha'gas breder, may tryllowgh yn-bann argh an Arloedh, Duw Ysrael, dhe'n tyller re dharbaris vy dhedhi.

1 Kroniklys 15:16

Davydh a erghis dhe ledyoryon an Levysi apoyntya aga breder avel kanoryon gans daffar menestrouthi, telynnow, sowtris ha symbalys, ow trehevel son lowena.

1 Kroniklys 15:28

Oll Ysrael a dhros yn-bann argh kevambos an Arloedh gans garmow, gans son korn, hirgern ha symbalys, ha son telynnow ha sowtris.

1 Kroniklys 15:4

Davydh a guntellas war-barth mebyon Aron ha'n Levysi:

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

1 Kroniklys 16:5

Asaf o an ledyer, ha nessa dhodho Zekaria; ena Yeiel, Shemiramoth, Yehiel, Mattithia, Eliab, Benaya, Obed-edom, ha Yeiel, gans telynnow ha gans sowtris; Asaf a sonas an symbalys,

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

1 Kroniklys 26:31

A'n Hebronysi: Yeriya o penn an Hebronysi war-lergh kovadhow aghskrif aga theyluyow. Y'n dew-ugensves blydhen a reyn Davydh hwithrans a veu gwrys ynna, ha gwer abel yn aga mysk a veu kevys yn Yazer yn Gilead.

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

2 Kroniklys 29:30

Myghtern Hezekia ha'n soedhogyon a worhemmynnis dhe'n Levysi may kannens gormola dhe'n Arloedh gans geryow Davydh ha'n gwelesydh Asaf. I a ganas gormola gans lowena, hag i a blegyas dhe'n dor hag a wormolas.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Ezra 6:16

Ha mebyon Ysrael, an oferysi, ha'n Levysi, ha remenant mebyon an divroedh, a solempnyas sakrans an chi ma a Dhuw gans lowena.

Nehemia 11:20

Hag yth esa remenant Ysrael a'n oferysi ha'n Levysi, yn oll an trevow a Yuda, pubonan yn y eretons y honan.

Nehemia 12:43

Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Nehemia 8:17

Hag oll an kuntelles, an re hag a dhehwelsa dhiworth an gethneth, a wrug skovvaow ha triga ynna; rag a-dhia dhydhyow Yeshua mab Nun bys y'n jydh na ny wrussa fleghes Ysrael yndella. Ha'n lowena o pur vras.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 30:1

My a'th ughelha, A Arloedh, rag ty re'm drehevis, ha ny essys ow eskerens dhe lowenhe a'm govis.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 20:5

An soedhogyon ynwedh a gews orth an bobel, ow leverel, ‘Eus gour re dhrehevis chi nowydh ha ny wrug y sakra? Es ev ha dehweles dh'y ji, rag own ev dhe verwel y'n vatel ha gour arall dh'y sakra.

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.