Nahum 2:10 - An Bibel Kernewek 20234 (Kernewek Kemmyn)

¹⁰ Gwakter, difeyth ha diswrians! An golonn ow teudhi, dewlin ow trebuchya, diwglun oll ow krena, ha pub fas devedhys ha bos diliw!

Nahum 2:10 ပူးပေါင်းရင်းမြစ်များ

Jenesis 1:2

Heb form ha gwag o an nor. Yth esa tewolgow war enep an downder ha Spyrys Duw esa ow kwaya war enep an dowrow.

Salmow 22:14

Skoellys ov vy avel dowr, ha'm eskern oll yw diskevelsys, ow holonn yw kepar ha koer; teudhys yw yn mysk ow holodhyon.

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 24:1

Awotta'n Arloedh ow gwastya an norvys ha'y dhistrui, ha difasya y enep, ha skattra y drigoryon.

Yeremia 30:6

Govynnewgh lemmyn ha mirewgh, a yll gour dineythi flogh? Ytho prag y hwelav pub gour ha'y dhiwleuv war y dhiwglun avel benyn yn gwelivesi, ha pub fas treylys gwannliwek?

Yeremia 49:23

A-dro dhe Damaskus. Hamath hag Arpad a's teves meth, drefenn i dhe glewes yeyn nowodhow; i a deudh yn own, troblys yns avel an mor na yll bos kosel.

Yeremia 51:62

ha leverel, “A Arloedh, ty dha honan a gewsis erbynn an tyller ma dh'y dhistrui, ma na vydh trigys ynno travyth, naneyl den na best, hag y fydh ynyal bys vykken.”

Yeremia 8:21

Rag pystik myrgh ow fobel yth ov pystigys; kyni a wrav; euth re'm dalghennas.

Ezekiel 21:7

Ha pan leverons dhis, ‘Prag yth esos ow hanasa?’ ty a lever, ‘Rag an nowodhow yw devedhys. Pub kolonn a deudh, ha pub leuv a vydh ydhil; pub spyrys a glamder, ha pub glin a dreyl dhe dhowr. Otta, hemma a dheu hag a hwyrvydh’, yn-medh an Arloedh Duw.

Ezekiel 31:15

Yndellma y lever an Arloedh Duw: Y'n jydh may tiyskynnas dhe ifarn, my a gudhas an downder gans kynvann rygdhi; my a fronnas hy avonyow ha lesta lies dowr. My a wrug dhe Lebanon kyni rygdhi, hag oll gwydh an gwel a glamderas rygdhi.

Daniel 5:6

Ena liw an myghtern a dreylyas, y brederow a'n troblas, mellow y dhiwglun a omlowsyas, ha'y dhewlin a gnoukyas an eyl orth y gila.

Yoel 2:6

A-ragdha poblow a gren: oll an fasow a gyll aga liw.

Nahum 2:2

Rag an Arloedh a dhaskorr arta splannder Yakob, kepar ha splannder Ysrael; rag ravnoryon re wrug aga ravna yn tien ha shyndya aga skyll.

Nahum 3:7

Hag y hwyrvydh, kemmys neb a vir warnas a blynch dhiworthis, ha leverel, ‘Nineve yw gwastys: piw a wra kyni warnedhi? A-ble hwilav konfortoryon rygdhi?’

Sefania 3:6

My re droghas an kenedhlow yn-mes: forsakys yw aga thouryow; my a dhifeythyas aga stretow ma na dremen denvyth: distruys yw aga sitys, heb denvyth, heb annedhyas.

Yoshua 2:11

Ni a glewas, ha'gan kolonn a deudhis, ha nyns esa spyrys gesys yn denvyth a'gas govis; rag an Arloedh agas Duw yw Duw yn nev a-vann ha war an nor a-woeles.

Yoshua 7:5

Gwer Ay a ladhas a-dro dhe hwetek warn ugens anedha, ha'ga helghya dhiworth an yet bys y'n Shebarim ha'ga ladha war an leder. Kolonn an bobel a deudhis hag eth ha bos dowr.