Mika 7:6 - An Bibel Kernewek 20234 (Kernewek Kemmyn)

⁶ rag an mab a dhyght y das gans bismer, an vyrgh a omsav erbynn hy mamm, an wohydh erbynn hy hweger; eskerens gour yw tus y ji y honan.

Mika 7:6 ပူးပေါင်းရင်းမြစ်များ

Jenesis 49:4

Ewynek avel dowr, ny vydh dhis ragwir, rag ty eth yn-bann dhe weli dha das. Ena ty a'n defolas; ty eth yn-bann dhe'm growedhva.

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

Salmow 41:9

Ynwedh ow howeth ker ow honan may trestis vy ynno, neb a dhybris ow bara, re dhrehevis y wewenn er ow fynn.

Lavarow Koth 30:11

Yma re hag a volleth aga thas ha na vennik aga mamm.

Lavarow Koth 30:17

An lagas hag a dhispres tas hag a skorn bos gostydh dhe vamm a vydh pigys yn-mes gans marghvrini an nans ha dybrys gans an eryon.

Ysay 3:5

An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Ysay 9:19

Dre sorr Arloedh an luyow an tir a vydh kowlleskys, ha'n bobel a vydh avel keunys rag an tan; denvyth ny gemmer truedh a'y vroder.

Yeremia 12:6

Rag hwath dha vreder, ha chi dha das, i ynwedh, re'th traytas; i ynwedh re dhrehevis kri ughel war dha lergh: na goel dhedha kyn kewsons geryow teg dhis.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 9:4

Bedhewgh war peub a'y gentrevek, ha na fydhyewgh yn broder vyth: rag pub broder yw purra toeller, ha pub kentrevek a wra kerdhes gans sklanderyow.

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Obadia 1:7

Oll dha geffrysysi a'th chasyas dhe'n oryon; an re yn kres genes re'th toellas, i re brevaylyas warnas; an re a dheber bara genes a sett maglenn yn-dannos, heb ty dh'y gonvedhes.

Matthew 10:21

Broder a dhaskorr broder dhe'n mernans ha'n tas y flogh, ha fleghes a sev erbynn kerens ha gul dhedha bos ledhys.

Matthew 26:23

Mes ev a worthybis ha leverel, ‘Neb a drogh y leuv y'n keth tallyour genev vy, henna a wra ow thrayta.

Luk 12:53

tas a vydh rynnys erbynn mab ha mab erbynn tas, mamm erbynn myrgh ha myrgh erbynn mamm, hweger erbynn hy gohydh ha gohydh erbynn hweger.’

Luk 21:16

Hwi a vydh traytys ynwedh gans kerens, ha breder, ha neskerens, ha kowetha, ha rann ahanowgh i a worr dhe'n mernans.

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”