Mika 6:8 - An Bibel Kernewek 20234 (Kernewek Kemmyn)

⁸ Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Mika 6:8 ပူးပေါင်းရင်းမြစ်များ

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Jenesis 5:22

Hag Enok a gerdhas gans Duw trihans blydhen wosa ev dhe dhineythi Methusela, hag ev a dhineythis mebyon ha myrghes.

2 Kroniklys 30:11

Byttegyns yth esa gwer a Asher, Manasse ha Zebulun a omuvelhas hag a dheuth dhe Yerusalem.

2 Kroniklys 32:26

Ena Hezekia a omuvelhas rag goeth y golonn, ev y honan ha trigoryon Yerusalem, bys ma na dheuth konnar an Arloedh warnedha yn dydhyow Hezekia.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 33:23

Ny omuvelhas a-rag an Arloedh, dell omuvelhasa y das Manasse, mes an keth Amon ma a drespassas moy ha moy.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Nehemia 9:13

Ty a dheuth yn-nans war venydh Sinay ha kewsel gansa dhiworth nev ha ri dhedha rewlys ewn ha gwir laghys, ordenansow ha gorhemmynnow da,

Salmow 101:1

My a gan a dregeredh ha breus; dhiso, A Arloedh, y kanav gormola.

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 37:26

Oll an jydh ev yw grassyes hag a re kendon, hag yma bennath war y has.

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ekklesiastes 12:13

Diwedh an mater, wosa klewes pup-tra, yw hemma: Porth own a Dhuw, ha gwith y worhemmynnow, drefenn bos hemma dever pub den oll.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Yeremia 22:16

Ev a varnas ken an boghosek ha'n edhommek; hag ena yth o da ganso. A nyns yw hemma ow aswonn? yn-medh an Arloedh.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 9:23

Yndellma y lever an Arloedh: Na esewgh an den fur dhe vostya yn y furneth, na na esewgh an den krev dhe vostya yn y grevder, na na esewgh an den rych dhe vostya yn y rychys:

Kynvannow 3:26

Da yw, pan wortir yn tawesek selwyans an Arloedh.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 33:14

Ha pan lavarav dhe debelwas, ‘Ty a verow surredi’, hag ev a dreyl dhiworth y begh ha gul an pyth yw lafyl hag ewn,

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Levitikus 26:41

may hwrug vy ynwedh kerdhes kontrari dhedha i, ha'ga dri bys yn tir aga eskerens; mars yw uvelhes aga holonnow antrodreghys, ha mar mynnons gul amendys rag aga hammweyth,

Amos 5:24

Re wrello ewnder frosa yn-nans avel dowrow, ha gwiryonedh kepar hag avon prest ow resek.

Mika 6:9

Lev an Arloedh a arm war an sita, ha doethter yw perthi own a'th hanow: Goslowewgh an welenn ha neb a's ordenas!

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Matthew 5:7

‘Gwynn aga bys an re yw tregeredhus, rag i a gyv tregeredh.

Luk 10:42

mes yma edhomm a unn dra: ha Maria re dhewisas an rann dha, na vydh kemmerys dhiworti.’

Luk 11:42

‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Luk 12:14

Hag ev a worthybis dhodho, ‘A dhen, piw a'm settyas avel breusydh po mayner warnowgh?’

Luk 6:36

Bedhewgh truedhek, kepar dell yw agas Tas ynwedh truedhek.

Romanyon 7:16

Mes mar kwrav an pyth na vynnav y wul, unnver ov an lagha dhe vos da.

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

1 Korinthianys 7:16

A wreg, fatell wodhesta mar kwredh selwel dha wour? A wour, fatell wodhesta mar kwredh selwel dha wreg?

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Dewteronomi 27:10

Rakhenna goslow orth lev an Arloedh dha Dhuw ha gul y worhemmynnow ha'y ordenansow esov ow korhemmynna dhis hedhyw.

Dewteronomi 30:15

Mir, my re worras a-ragos hedhyw bewnans ha da, mernans ha drog,

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

Jamys 2:20

A vynn'ta godhvos, a dhen koeg, bos euver fydh heb gwriansow?

Yoshua 24:14

‘Lemmyn ytho perthewgh own a'n Arloedh, ha'y servya yn lenduri hag yn gwirder, ha treyl dhiworth an duwow a wrug agas tasow aga servya dres an avon hag yn Ejyp; ha servyewgh an Arloedh.

1 Peder 3:8

Wor'tiwedh, bedhewgh hwi oll a'n keth brys, ow keskodhevel, ow kara an vreder, truedhek, uvel,

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.