Mika 6:6 - An Bibel Kernewek 20234 (Kernewek Kemmyn)

⁶ ‘Gans pyth a dhov a-dherag an Arloedh, hag omblegya a-rag Duw a-vann? A dhov a-ragdho gans offrynnow leskys, gans leughi unn bloedh?

Mika 6:6 ပူးပေါင်းရင်းမြစ်များ

2 Samuel 21:3

Davydh a leveris dhe'n Gibeonysi, ‘Pandr'a wrav ragowgh? Fatell wrav vy dehwelyans, may fennigowgh eretons an Arloedh?’

Salmow 116:12

Py gober a rov dhe'n Arloedh rag oll y helder dhymm?

Salmow 22:29

Oll an vrasyon war an nor a dheber ha gordhya; oll an re a dhiyskynn dhe'n doust a ombleg a-dheragdho, ha ny yll denvyth bewhe y enev y honan.

Salmow 95:2

Deun ni a-dheragdho gans grasyans, ha gul tros heudhik dhodho gans salmow.

Salmow 95:6

Deun, gordhyen hag omblegya, gwren ni mos war benn-dewlin a-rag an Arloedh agan Gwrier.

Eksodus 12:5

Agas oen a vydh heb namm, gorow, unn bloedh; hwi a'n kemmer dhiworth an deves po dhiworth an gever;

Eksodus 23:15

Ty a wra goelya goel an bara heb goell; dell worhemmynnis dhis, ty a wra dybri bara heb goell seyth dydh dhe'n prys ordenys y'n mis Abib, rag ynno y teuthewgh yn-mes a Ejyp. Ny wra nagonan sevel a-ragov gwag y dhorn.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ysay 40:16

Nyns yw Lebanon lowr rag keunys an tan, na'y vestes lowr rag offrynn leskys.

Yeremia 6:20

Pandr'a amont dhymm frankynkys a-dhiworth Sheba, ha'n kalamus drudh a bow pell? Nyns yw agas offrynnow leskys kemmeradow, na nyns yw agas sakrifisow hweg plegadow dhymm.

Ezekiel 46:9

Pan dheu pobel an tir a-rag an Arloedh y'n goelyow apoyntys, neb a dheu a-ji dre yet an gogledh dhe wordhya, ev a omdenn dre yet an soth; ha neb a dheu a-ji dre yet an soth, ev a omdenn dre yet an gogledh; ny wra ev dehweles der an yet may teuth a-ji dredhi, mes omdennes der an yet usi a-dal dhedhi.

Daniel 3:26

[93] Ena Nebukadnessar a dheuth nes dhe daras an fornes a dan ow flammya, ha leverel: ‘A Shadrak, Meshak hag Abednego, hwi servysi a Dhuw Ughella, dewgh yn-mes, ha dewgh omma!’ Ena Shadrak, Meshak hag Abednego a dheuth yn-mes a gres an tan.

Daniel 4:9

‘A Belteshassar, mester an hudoryon, yth aswonnav bos ynnos spyrys an duwow sans, ha nag eus kevrin re gales ragos. Preder an pyth a welis y'm hunros, ha lavar dhymm y styr.

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Daniel 5:21

Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Hosea 5:6

I a wra mos gans aga flokkys ha'ga gwarthek dhe hwilas an Arloedh, mes ny'n kevons; ev re gildennas anedha.

Amos 5:22

Ha kyn offrynnowgh dhymm agas offrynnow kowlleskys ha'gas offrynnow greun, ny vynnav aga degemmeres; hag offrynnow kres a'gas bestes peskys, ny wrav vy mires warnedha.

Niverow 7:51

unn tarow yowynk, unn hordh, unn oen gorow a unn bloedh, rag offrynn leskys;

Matthew 19:16

Hag awotta, nebonan a dheuth ha leverel dhodho, ‘A Vester, pandr'eus 'vas a wrav vy rag kavoes bewnans heb diwedh?’

Mark 12:33

hag “y gara gans oll an golonn, ha gans oll an skians, ha gans oll an enev, ha gans oll an nerth”, ha “kara y gentrevek kepar hag ev y honan”, hemm yw moy ages oll an offrynnow kowlleskys ha'n sakrifisow.’

Mark 5:7

hag a armas gans lev ughel ha leverel, ‘Pandr'a vynnydh tejy genev vy, Yesu, ty Vab an Duw Ughella? My a'th konjor a-barth Duw, na wrylli ow thormentya.’

Luk 10:25

Hag awotta, neb laghyas a sevis yn-bann ha'y brevi ow leverel, ‘Mester, pandr'a wrav rag erita bewnans heb diwedh?’

Yowann 6:26

Yesu a worthybis dhedha ha leverel, ‘Yn hwir, yn hwir y lavarav dhywgh, ny'm hwilowgh drefenn hwi dhe weles toknys, mes drefenn hwi dhe dhybri a'n torthow ha bos lenwys.

Oberow 16:17

Hag owth holya Powl ha ni, hi a grias, ow leverel, ‘An dus ma yw gwesyon Duw an ughella, neb a bregoth dhywgh fordh selwyans.’

Oberow 16:30

hag orth aga hembronk yn-mes ev a leveris, ‘Syrrys, pandr'a goedh dhymm dhe wul may fiv selwys?’

Oberow 2:37

Pan glewsons hemma, gwenys vons y'n golonn, hag i a leveris dhe Peder ha dhe'n abesteli erell, ‘Breder, pandr'a wren ni?’

Efesianys 3:14

Ytho, my a bleg an dhewlin a-dherag an Tas,

Ebrowyon 10:11

Ha pub oferyas a sev pub-dydh ow menystra, owth offrynna menowgh an keth sakrifisow na yllons nevra dilea peghosow.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.