Matthew 7:29 - An Bibel Kernewek 20234 (Kernewek Kemmyn)

²⁹ rag yth esa ev orth aga dyski kepar hag onan a'n jevo galloes ha na kammenn vyth avel aga skribys.

Matthew 7:29 ပူးပေါင်းရင်းမြစ်များ

Ekklesiastes 8:4

Le mayth usi ger myghtern, y'n keth le yma galloes, ha piw a lever dhodho, ‘Pandr'a wredh?’

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 5:20

Rag my a lever dhywgh, marnas agas ewnder a vo moy ages henna a'n skribys ha'n Fariseow, ny wrewgh mos a-bervedh yn gwlaskor nev.

Matthew 5:28

Mes my a lever dhywgh, Neb a vir orth benyn gans drokhwans re wrug avoutri seulabrys gensi yn y golonn.

Matthew 5:32

Mes my a lever dhywgh, Piwpynag a worro dhe-ves y wreg marnas dijastita, ev a's gwra avoutres; ha neb a dhemmettho benyn dhidhemmedhys, ev a wra avoutri.

Matthew 5:44

Mes my a lever dhywgh, Kerewgh agas eskerens ha pysewgh rag an re a wra agas helghya,

Matthew 7:28

Ha pan worfennas Yesu an lavarow ma, an bobel a's tevo marth a'y dhyskas;

Matthew 8:1

Ha wosa ev dhe dhiyskynna a'n menydh, routhow bras a'n siwyas.

Luk 20:8

Hag yn-medh Yesu dhedha, ‘Na byth moy ny lavarav dhywgh py awtorita dredho y hwrav an taklow ma.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Oberow 6:10

mes ny allsons sevel erbynn an furneth ha'n Spyrys mayth esa ow kewsel.