Matthew 6:6 - An Bibel Kernewek 20234 (Kernewek Kemmyn)

⁶ Mes ty pan byssi, ke a-ji dhe'th chambour ha wosa degea dha dharas, gwra pysi dhe'th Tas usi yn-dann gel, ha'th Tas a wel yn-dann gel a attal dhis.

Matthew 6:6 ပူးပေါင်းရင်းမြစ်များ

2 Myghternedh 4:33

Ev eth a-ji ha degea an daras orta aga dew ha pysi an Arloedh.

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Lavarow Koth 25:22

Rag ty a raghell kolennow bew war y benn, ha'n Arloedh a'th wober.

Ysay 26:20

Ke ow fobel, enter dhe'th chambour ha dege dha dharas a-dryv dhis; omgudh prysweyth bys pan dremen sorrvann.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Matthew 14:23

Ha wosa dannvon an routhow dhe-ves, ev eth yn-bann dhe'n menydh rag pysi yn priva. Ha pan o devedhys an gorthugher, yth esa ev ena, y honan.

Matthew 6:18

ma na vo apert dhe dus ty dhe wul penys, saw dhe'th Tas, usi yn-dann gel; ha'th Tas neb a wel yn-dann gel a attal dhis.

Matthew 6:4

rag may fo dha alusen yn-dann gel; ha'th Tas neb a wel yn-dann gel a attal dhis.

Yowann 1:48

Yn-medh Nathanael dhodho, ‘Fatell y'm aswonnydh?’ Yesu a worthybis dhodho, ‘Kyns Felip dhe'th helwel, my a'th welas yn-dann an figbrenn.’

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Oberow 10:30

Hag yn-medh Kornelius, ‘Nans yw peswar dydh, dhe'n keth eur ma, dhe'n nawves eur yth esen ow pysi y'm chi, hag otta, gour a sevis a-dheragov, splann y dhillas,

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Romanyon 8:5

Rag an re a vew war-lergh an kig a wra fors a daklow an kig, mes an re a vew war-lergh an Spyrys a wra fors a daklow an Spyrys.

Efesianys 3:14

Ytho, my a bleg an dhewlin a-dherag an Tas,