Matthew 6:10 - An Bibel Kernewek 20234 (Kernewek Kemmyn)

¹⁰ re dheffo dha wlaskor; dha vodh re bo gwrys, yn nor kepar hag yn nev.

Matthew 6:10 ပူးပေါင်းရင်းမြစ်များ

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Salmow 2:6

‘My re worras ow myghtern war Sion, ow menydh sans.’

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Daniel 7:13

My a welas yn gwelesigethow an nos, ottena yn mysk kommol an nev yth esa onan avel Mab an den ow tos; ev a dheuth bys y'n Koth a'n dydhyow hag i a'n hembronkas yn y ogas.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 4:17

Alena rag, Yesu a dhallathas pregoth ha leverel, ‘Koedhewgh yn edrek, rag gwlaskor nev re dheuth nes.’

Matthew 7:21

‘Nyns a a-bervedh yn gwlaskor nev pubonan a lever dhymm, “Arloedh, Arloedh”, mes ev neb a wra bodh ow Thas eus yn nevow.

Mark 11:10

Benniges yw gwlaskor agan tas Davydh, usi ow tos. Hosanna y'n ughelder!’

Mark 3:35

Rag neb a wrello bodh Duw, an keth henna yw ow broder, ha'm hwoer, ha'm mamm.’

Luk 19:11

Hag i ow koslowes hemma, ev a dherivas parabolenn moy, rag ev dhe vos ogas dhe Yerusalem hag i a dybi gwlaskor Duw dhe omdhiskwedhes ena a-dhistowgh.

Luk 19:38

ow leverel, ‘Benniges yw an Myghtern a dheu yn hanow an Arloedh. Kres yn nev ha gordhyans y'n ughelder.’

Luk 22:42

ow leverel, ‘A Das, mars yw dha volonjedh, dog an hanaf ma dhiworthiv; saw na vedhes gwrys ow bodh evy, mes dha vodh tejy.’

Yowann 4:34

Yn-medh Yesu dhedha, ‘Ow boes vy yw, my dhe wul bolonjedh neb a'm dannvonas ha dhe gowlwul y ober ev.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Oberow 21:14

Ha pan na yllsyn y lesta, ni a dewis wosa leverel, ‘Re bo gwrys bodh an Arloedh.’

Oberow 22:14

Hag yn-medh ev, “Duw agan tasow re'th tewisas seulabrys rag aswonn y vodh ha gweles an Gwiryon ha klewes lev yn-mes a'y anow,

Romanyon 12:2

ha na vedhewgh keskonformys orth an oes ma, mes bedhewgh dasformys dre nowydhheans an brys, rag may preffowgh pandra yw bodh Duw, hag yw da ha plegadow ha perfydh.

Efesianys 6:6

Na wrewgh hemma may fewgh gwelys, ow plegya dhe dus, mes avel gwesyon Krist, ow kul bodh Duw dhiworth an enev,

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

Kolossianys 1:9

Rakhenna ni ynwedh, dhiworth an jydh may klewsyn, ny hedhyn pysi ha govynn ragowgh, may fewgh lenwys a wodhvos a'y vodh yn pub furneth ha konvedhes spyrysel,

1 Thessalonianys 4:3

Rag hemm yw bodh Duw, agas sansheans, hwi dhe omwitha rag fornikasyon,

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 10:36

Rag hwi a'gas beus edhomm a berthyans, may hwryllowgh bodh Duw ha kavoes an pyth yw ambosys.

Ebrowyon 10:7

Ena y leveris vy, “Otta, deuvev, may hwrylliv dha vodh, a Dhuw”, dell yw skrifys ahanav yn rol an lyver.’

Ebrowyon 13:21

re'gas provio gans pub tra vas may hwryllowgh y vodh, ow kul ynnon an pyth yw plegadow yn y wolok dre Yesu Krist; dhe neb bedhes gordhyans bys vykken ha bynnari. Amen.

1 Peder 2:15

Rag yndella yw bodh Duw, may hyllowgh hwi, ow kul da, konkludya fowt skians tus wokki.

1 Peder 4:2

ytho ny vew namoy yn hwansow mab-den dres an termyn yw gesys y'n kig, mes orth bodh Duw.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 12:10

Ha my a glewas lev ughel yn nev ow leverel, ‘Lemmyn selwyans, ha nerth, ha gwlaskor agan Duw yw devedhys, ha galloes y Grist: rag bos kuhudhor agan breder tewlys yn-nans, neb a's kuhudhas dydh ha nos a-dherag agan Duw.

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.