Matthew 5:6 - An Bibel Kernewek 20234 (Kernewek Kemmyn)

⁶ ‘Gwynn aga bys an re a berth nown ha syghes ow yeuni war-lergh ewnder, rag i a vydh lenwys.

Matthew 5:6 ပူးပေါင်းရင်းမြစ်များ

Salmow 107:9

Rag ev a re lowr dhe'n enev syghesik, hag ev a lenow a dhader an enev nownek.

Salmow 145:19

Ev a gollenow bodh an re a berth own anodho, hag ev a glew aga kri, hag ev a's selow.

Salmow 17:15

Mes my a hwither war dha fas yn ewnder; lowr vydh ragov, pan dhifunav, gweles dha furv.

Salmow 63:5

Ow enev a vydh kontentys kepar dell ve gans mer ha blonek, ha'm ganow a'th wormel gans diwweus heudhik,

Salmow 65:4

Gwynnvys an den a dhewisydh hag a dhredh nes dhis, may trykko y'th klosyow; ni a vydh lenwys a dhader dha ji, ha'th tempel sans.

Salmow 84:2

Ow enev yw hirethek, hi a yeun ynwedh war-lergh klosyow an Arloedh; ow holonn ha'm kig a arm yn lowen war an Duw bew.

Lavarow Koth 10:24

An pyth may perth an tebelwas own anodho a dheu warnodho, mes hwans an re wiryon a vydh grontyes.

Lavarow Koth 21:21

Neb a hol ewnder ha tregeredh a gyv bewnans, ewnder hag enor.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Ysay 66:11

may hyllowgh dena ha bos gwalghys orth hy bronn, ha bos konfortys; may hyllowgh lapya gans delit dhiworth tethennow hy glori.

Yeremia 31:25

Rag my re walghas an enev skwith, ha pub enev ahwerek my a dhaslenow.

Luk 1:53

Ev re lenwis an re nownek a bythow da, ha'n dus rych ev re dhannvonas dhe-ves gwag.

Luk 6:21

Gwynn agas bys neb a berth nown lemmyn, rag hwi a vydh lenwys. Gwynn agas bys neb a oel, rag hwi a hwerth.

Luk 6:25

Go-hwi, yw lenwys lemmyn, rag hwi a berth nown. Go-hwi a hwerth lemmyn, rag hwi a gyn hag oela.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 7:37

Y'n jydh diwettha, dydh meur an goel, Yesu a sevis ha kria, ow leverel, ‘Den mara'n jeves syghes, des ev dhymmo vy, hag eva.

Diskwedhyans 7:16

Ny's tevydh nown namoy, na syghes. Ha'n howl ny wra koedha warnedha, na toemmder vyth.