Matthew 5:18 - An Bibel Kernewek 20234 (Kernewek Kemmyn)

¹⁸ Rag yn hwir my a lever dhywgh, bys pan dremenno nev ha nor, ny dremen unn jet na banna dhiworth an lagha erna vo kowlwrys pup-tra oll.

Matthew 5:18 ပူးပေါင်းရင်းမြစ်များ

Salmow 102:26

I a dhe goll, mes ty a sev; i a gothha avel kweth. Avel dillas ty a's treyl hag i a dremen;

Salmow 111:8

Fastys yns i bys vykken ha bynnari, ha gwrys yn gwirder hag ewnder.

Salmow 119:152

Seuladhydh my re wodhva dhiworth dha dhustuniow ty dh'aga fondya bynitha.

Ysay 40:8

An gwels a wedher, gyllys krin yw an vleujenn, mes ger agan Duw a sev bys vykken.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 51:6

Drehevewgh agas dewlagas war-vann dhe'n nevow ha mirewgh orth an nor a-woeles; rag an nevow a deudh dhe-ves avel mog, an nor a vydh usys avel kweth, ha'n re usi trigys warnodho a verow avel gwibes; mes ow selwyans a vydh bys vykken, ha ny vydh diwedh dhe'm ewnder.

Matthew 10:15

Yn hwir y lavarav dhywgh, esya vydh hi dhe bow Sodom ha Gomorra dydh breus ages dhe'n sita na.

Matthew 10:23

Pan y'gas helghyons y'n sita ma, fiewgh dhe onan arall; rag yn hwir y lavarav dhywgh, ny worfennowgh tremena dre sitys Ysrael kyns bos devedhys Mab an den.

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Matthew 11:11

Yn hwir y lavarav dhywgh: yn mysk an re genys a venynes ny sevis nagonan brassa ages Yowann Besydhyer; byttegyns an lyha yn gwlaskor nev yw brassa agesso ev.

Matthew 13:17

Rag yn hwir y lavarav dhywgh, lies profoes ha den gwiryon re beu hwansek dhe weles an taklow a welowgh hwi mes ny welsons ha dhe glewes an taklow a glewowgh hwi mes ny glewsons.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Matthew 18:18

‘Yn hwir y lavarav dhywgh, pypynag oll a gelmowgh war an nor a vydh kelmys yn nev, ha pypynag a dhigelmowgh war an nor a vydh digelmys yn nev.

Matthew 18:3

hag yn-medh ev, ‘Yn hwir y lavarav dhywgh, marnas hwi a dreyl, ha dos ha bos avel fleghes, nyns ewgh kammenn vyth a-bervedh yn gwlaskor nev.

Matthew 19:23

Ena Yesu a leveris dh'y dhyskyblon, ‘Yn hwir y lavarav dhywgh, kales vydh dhe dhen rych mones a-bervedh yn gwlaskor nev.

Matthew 19:28

Yn-medh Yesu dhedha, ‘Yn hwir y lavarav dhywgh, hwi neb a wrug ow holya, pan esettho Mab an den war dron y wolewder y'n genesigeth nowydh, hwi ynwedh a esedh war dhewdhek tron, ow preusi dewdhek loeth Ysrael.

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Matthew 21:31

Pyneyl a'n dhew a wrug bodh y das?’ Yn-medhons, ‘An kynsa.’ Yesu a leveris dhedha, ‘Yn hwir y lavarav dhywgh, bos an dolloryon ha'n horys ow mones a-bervedh yn gwlaskor Duw kyns es dell wrewgh hwi.

Matthew 23:36

Yn hwir y lavarav dhywgh, oll an taklow ma a dheu war an henedh ma.

Matthew 24:2

Hag ev a worthybis ha leverel dhedha, ‘A ny welowgh hwi oll hemma? Yn hwir y lavarav dhywgh, ny vydh gesys omma men war ven na vydh terrys dhe'n dor.’

Matthew 24:47

Yn hwir y lavarav dhywgh, ev a re dhodho an charj a oll y byth.

Matthew 25:12

Mes ev a worthybis ha leverel, “Yn hwir y lavarav dhywgh, ny wrav vy agas aswonn.”

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Matthew 5:26

Yn hwir y lavarav dhis, ny wre'ta dos yn-mes alena bys may tylli an ferdhynn diwettha.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Matthew 6:2

‘Rakhenna ty pan rylli alusen, na hwyth korn a-dheragos kepar dell wra an falswesyon a-bervedh y'n synagys hag y'n stretys, may hallons kavoes gordhyans dhiworth tus. Yn hwir y lavarav dhywgh, i re's teva aga gober.

Matthew 8:10

Yesu pan glewas henna, marth a'n jeva, hag yn-medh ev dhe'n re a'n siwya, ‘Yn hwir y lavarav dhywgh, ny gevis vy kemmys fydh, na hwath yn Ysrael.

Mark 10:15

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Mark 10:29

Yn-medh Yesu, ‘Yn hwir y lavarav dhywgh, nyns eus denvyth, neb re asas chi, po breder, po hwerydh, po mamm, po tas, po gwreg, po fleghes, po tiryow a-barth dhymmo vy hag a-barth dhe'n aweyl,

Mark 11:23

Yn hwir y lavarav dhywgh, piwpynag a lavarro dhe'n menydh ma “Ty bydh kemmerys yn-bann, ha bydh tewlys y'n mor” ha na dhouttyo yn y golonn, mes a grysso y hwyrvydh an pyth a gews, ev a'n kyv.

Mark 12:43

Hag ev a elwis dhodho y dhyskyblon ha leverel dhedha, ‘Yn hwir y lavarav dhywgh, y hwrug an wedhwes voghosek ma tewlel moy ages oll an re erell esa ow tewlel y'n arghow.

Mark 13:30

Yn hwir y lavarav dhywgh, an henedh ma ny wra tremena erna vo oll an taklow ma gwrys.

Mark 14:18

Ha pan ens esedhys hag ow tybri, yn-medh Yesu, ‘Yn hwir y lavarav dhywgh, onan ahanowgh a wra ow thrayta, neb yw genev ow tybri.’

Mark 14:25

Yn hwir y lavarav dhywgh, ny wrav vy eva namoy a frut an gwinbrenn bys y'n jydh na ma'n evav nowydh yn gwlaskor Duw.’

Mark 14:30

Ha Yesu a leveris dhodho, ‘Yn hwir y lavarav dhis, hedhyw, y'n nos haneth, kyns es kulyek dhe gana diwweyth, ty a'm nagh teyrgweyth.’

Mark 14:9

Hag yn hwir y lavarav dhywgh, py le pynag may fo pregewthys an aweyl yn oll an bys, an pyth re wrug hi a vydh derivys yn kovadh anedhi.’

Mark 3:28

‘Yn hwir y lavarav dhywgh, oll aga feghosow a vydh gevys dhe vebyon tus, ha'n blasfemiow kemmys a wrellons;

Mark 6:11

Ha py tyller pynag na vynno agas degemmeres, na'gas klewes, pan yllowgh alena, shakyewgh dhe-ves an doust a-dhann agas treys yn dustuni er aga fynn.’

Mark 8:12

Hag owth hanasa down yn y spyrys, yn-medh ev, ‘Prag y hwila an henedh ma tokyn? Yn hwir y lavarav dhywgh, ny vydh res tokyn dhe'n henedh ma.’

Mark 9:1

Hag ev a leveris dhedha, ‘Yn hwir y lavarav dhywgh, bos rann an re usi ow sevel omma, na vydhons ow tastya mernans, kyns i dhe weles gwlaskor Duw devedhys gans nerth.’

Mark 9:41

Rag piwpynag a rollo dhywgh hanafas a dhowr dhe eva y'm hanow vy, drefenn agas bos dhe Grist, yn hwir y lavarav dhywgh, kammenn na gyll y wober.

Luk 11:51

a-dhia woes Abel bys goes Zakaria neb a veu ledhys ynter an alter ha'n sentri; yn hwir y lavarav dhywgh, govynnys vydh a-dhiworth an henedh ma.

Luk 12:37

Gwynn aga bys an gethwesyon na, neb a wra an mester aga havoes difun pan dheu; yn hwir y lavarav dhywgh, ev a gelm y wrogys, ha'ga desedha orth an voes, ha mos yn-rag dh'aga servya.

Luk 13:35

Otta, agas chi yw gesys dhywgh, forsakys. Ha my a lever dhywgh, ny'm gwelowgh vy bys pan leverowgh, “Benniges yw neb a dheu yn hanow an Arloedh.”’

Luk 16:17

Esya yw, nev ha nor dhe dremena dhe-ves, es dell goettho dhe-ves unn banna a'n lagha.

Luk 18:17

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Luk 18:29

Yn-medh ev dhedha, ‘Yn hwir y lavarav dhywgh, nyns eus denvyth neb re asas chi po gwreg po breder po kerens po fleghes a-barth gwlaskor Duw

Luk 23:43

Hag yn-medh ev dhodho, ‘Yn hwir y lavarav dhis, hedhyw y fydhydh genev yn Paradhis.’

Luk 4:24

Mes ev a leveris, ‘Yn hwir y lavarav dhywgh, nyns eus profoes vydh kemmeradow yn y vro y honan.

Yowann 1:51

Hag yn-medh ev dhodho, ‘Yn hwir, yn hwir y lavarav dhywgh, hwi a wel nev igerys, hag eledh Duw owth yskynna ha diyskynna war Vab an den.’

Yowann 10:1

‘Yn hwir, yn hwir y lavarav dhywgh, neb na dheu a-ji dhe gorlann an deves der an daras mes neb a yskynn war neb fordh arall, henn yw lader ha robbyer.

Yowann 10:7

Ena Yesu a leveris arta, ‘Yn hwir, yn hwir y lavarav dhywgh, my yw daras an deves.

Yowann 12:24

Yn hwir, yn hwir y lavarav dhywgh, marnas hasenn a ys a goedh dhe'n dor ha merwel, hi a bes hy honan; mes mar merow, hi a dheg meur a frut.

Yowann 13:16

Yn hwir, yn hwir y lavarav dhywgh, nyns yw an kethwas brassa es y vester, na nyns yw an gannas brassa es neb a'n dannvonas.

Yowann 13:38

Yesu a worthybis, ‘Ty a dhaskorr dha vewnans a'm govis? Yn hwir, yn hwir y lavarav dhis, ny wra an kulyek kana kyns ty dhe'm nagha teyrgweyth.

Yowann 14:12

Yn hwir, yn hwir y lavarav dhywgh, ev neb a grys ynnov vy, ev ynwedh a wra an oberow a wrav vy, hag oberow brassa agessa a wra, rag yth esov vy ow mos dhe'n Tas.

Yowann 16:20

Yn hwir, yn hwir y lavarav dhywgh, hwi dhe oela ha dhe gyni, mes an bys a lowenha. Mes hwi a vydh trist, mes agas tristyns a dreyl dhe lowena.

Yowann 16:23

Hag y'n jydh na ny wrewgh govynn orthiv travyth. Yn hwir, yn hwir y lavarav dhywgh, pypynag a wovynnowgh a'n Tas y'm hanow vy, ev a'n re dhywgh.

Yowann 21:18

Yn hwir, yn hwir y lavarav dhis, pan es yowynk omwrogysa a wres ha kerdhes plepynag y fynnes; mes pan vydhydh koth, ty a ystynn dha dhiwleuv, ha den arall a wra dha wrogysa ha dha dhoen dhe dyller na vynnydh.’

Yowann 3:11

‘Yn hwir, yn hwir y lavarav dhis, ni a gews an pyth a wodhon, ha ni a dheg dustuni a'n pyth a welsyn; ha ny dhegemmerowgh agan dustuni.

Yowann 3:3

Yesu a worthybis ha leverel dhodho, ‘Yn hwir, yn hwir y lavarav dhis, marnas den a vo genys arta, ny yll gweles gwlaskor Duw.’

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Yowann 5:19

Ena Yesu a worthybis ha leverel dhedha, ‘Yn hwir, yn hwir y lavarav dhywgh, ny yll an Mab gul travyth y honan, marnas an pyth a wel ev an Tas dhe wul; rag pypynag a wra ev, an Mab ynwedh a'n gwra.

Yowann 6:26

Yesu a worthybis dhedha ha leverel, ‘Yn hwir, yn hwir y lavarav dhywgh, ny'm hwilowgh drefenn hwi dhe weles toknys, mes drefenn hwi dhe dhybri a'n torthow ha bos lenwys.

Yowann 6:32

Ytho Yesu a leveris dhedha, ‘Yn hwir, yn hwir y lavarav dhywgh, nyns o Moyses neb a ros dhywgh an bara a nev, mes ow Thas yth yw neb a re dhywgh an gwir vara a nev.

Yowann 6:47

Yn hwir, yn hwir y lavarav dhywgh, neb a grys a'n jeves bewnans heb diwedh.

Yowann 6:53

Ytho Yesu a leveris dhedha, ‘Yn hwir, yn hwir y lavarav dhywgh, marnas hwi a dheber kig Mab an den, hag eva y woes, ny'gas beus bewnans ynnowgh agas honan.

Yowann 8:34

Yesu a worthybis dhedha, ‘Yn hwir, yn hwir y lavarav dhywgh, pubonan a wra pegh yw keth dhe begh.

Yowann 8:51

Yn hwir, yn hwir y lavarav dhywgh, piwpynag a wittho ow ger, ny welvydh mernans bynitha.’

Yowann 8:58

Yn-medh Yesu dhedha, ‘Yn hwir, yn hwir y lavarav dhywgh, kyns Abraham dhe vos, yth esov vy.’

1 Peder 1:25

mes lavar an Arloedh a dhur bys vykken.’ Ha hemm yw an lavar a veu pregewthys dhywgh hwi y'n aweyl.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.