Matthew 4:4 - An Bibel Kernewek 20234 (Kernewek Kemmyn)

⁴ Mes ev a worthybis ow leverel, ‘Skrifys yw, “Mab-den ny wra bewa unnsel orth bara, saw orth pub ger a dheu yn-mes a anow Duw.” ’

Matthew 4:4 ပူးပေါင်းရင်းမြစ်များ

Eksodus 16:15

Pan y'n gwelas mebyon Ysrael, i a leveris an eyl dh'y gila, ‘Pyth yw?’ rag ny wodhyens an pyth o. Ha Moyses a leveris dhedha, ‘Yth yw an bara re ros an Arloedh dhywgh dh'y dhybri.

Eksodus 16:35

Ha mebyon Ysrael a dhybris an manna dew-ugens blydhen, bys pan dheuthons dhe dir annedhys; i a dhybris an manna bys pan dheuthons dhe or pow Kanan.

Eksodus 16:8

Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Eksodus 23:15

Ty a wra goelya goel an bara heb goell; dell worhemmynnis dhis, ty a wra dybri bara heb goell seyth dydh dhe'n prys ordenys y'n mis Abib, rag ynno y teuthewgh yn-mes a Ejyp. Ny wra nagonan sevel a-ragov gwag y dhorn.

Matthew 15:11

Nyns yw an dra hag a wra mos a-bervedh y'n ganow a dhefol den, mes an dra hag a dheu yn-mes a'y anow – henna a wra defola den.’

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Matthew 4:7

Yesu a leveris dhodho, ‘Arta skrifys yw, “Ny wredh temptya an Arloedh dha Dhuw.” ’

Mark 7:20

Hag yn-medh ev, ‘An pyth a dheu yn-mes a'n den, henna a wra defola an den.

Luk 4:12

Ha Yesu a worthybis ha leverel dhodho, ‘Leverys yw, “Ny goedh dhis temptya an Arloedh dha Dhuw.” ’

Luk 4:4

Ha Yesu a worthybis dhodho, ‘Skrifys yw, “Mab-den ny wra bewa unnsel orth bara.” ’

Luk 4:8

Ha Yesu a worthybis ow leverel dhodho, ‘Skrifys yw, Ty a wra gordhya an Arloedh dha Dhuw hag ev yn unnsel ty a wra servya.’

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Efesianys 6:17

ha kemmerewgh an basnett a selwyans ha kledha an Spyrys, yw lavar Duw.

Dewteronomi 8:3

Ev a'th uvelhas, ha'th wul dhe vos nownek, ha'th voesa gans manna na aswonnsys ha ny'n aswonnsons dha dasow; rag ma'th wrella dhe aswonn nag yw dre vara unnsel y few den, mes ev a vew dre bup-tra oll a dheu yn-mes a anow an Arloedh.