Matthew 26:55 - An Bibel Kernewek 20234 (Kernewek Kemmyn)

⁵⁵ Y'n eur na Yesu a leveris dhe'n routhow, ‘A dheuthewgh hwi yn-mes gans kledhedhyow ha fustow dhe'm dalghenna kepar dell ve erbynn lader? Yth en esedhys y'n tempel pub dydh ow tyski ha ny wrussowgh ow dalghenna.

Matthew 26:55 ပူးပေါင်းရင်းမြစ်များ

Matthew 21:23

Ha pan o devedhys y'n tempel, an bennoferysi ha henavogyon an bobel a dheuth dhodho, hag ev ow tyski, hag yn-medhons, ‘Py awtorita dredho y hwre'ta an taklow ma? Ha piw a ros dhis an awtorita ma?’

Matthew 26:47

Hag ev hwath ow kewsel, otta, Yudas, onan a'n dewdhek a dheuth, ha ganso routh veur ow toen kledhedhyow ha fustow, dhiworth an bennoferysi ha henavogyon an bobel.

Mark 10:1

Hag ev a sevis alena ha dos bys yn oryon Yudi ha dres an Yordan; ha routhow a dheuth war-barth dhodho arta, ha kepar dell o y us, ev a's dyski arta.

Mark 12:35

Ha Yesu a worthybis ha leverel, hag ev ow tyski y'n tempel, ‘Fatell yw, y lever an skribys Krist dhe vos mab Davydh?

Luk 19:47

Ha pub dydh yth esa ow tyski y'n tempel. Mes an bennoferysi ha'n skribys ha pennow an bobel a hwila y dhistrui,

Luk 20:1

Hag y hwarva yn onan a'n dydhyow na pan esa ev ow tyski an bobel y'n tempel hag ow pregoth an nowodhow da, an bennoferysi ha'n skribys war-barth gans an henavogyon a dheuth yn-rag

Luk 4:20

Ena ev a rolyas an lyver, ha'y dhaskorr dhe'n servont, hag esedha; hag yth esa dewlagas peub y'n synaga stag warnodho.

Yowann 7:14

Lemmyn yn kres an goel, Yesu eth yn-bann dhe'n tempel hag yth esa ow tyski.

Yowann 7:28

Ytho Yesu a grias y'n tempel, hag ev ow tyski, hag a leveris, ‘Hwi a'm aswonn, ha hwi a woer a-ble ov. Ha nyns ov vy devedhys ahanav ow honan, mes gwir yw ev neb a'm dannvonas, neb na aswonnowgh.

Yowann 8:2

Ha myttin a-varr ev a dheuth arta dhe'n tempel, hag oll an bobel a dheuth dhodho; hag ev a esedhas ha dyski dhedha.

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.