Matthew 26:41 - An Bibel Kernewek 20234 (Kernewek Kemmyn)

⁴¹ Goelyewgh ha pysewgh ma na entrowgh yn temptasyon; an spyrys dhe wir yw parys fest, mes gwann yw an kig.’

Matthew 26:41 ပူးပေါင်းရင်းမြစ်များ

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 119:115

Kewgh a-dhiworthiv, hwi dhrogoberoryon, rag may hwitthiv gorhemmynnow ow Duw.

Salmow 119:117

Skoedh vy, may fiv saw, ha prest y lowenhav y'th ordenansow.

Salmow 119:32

Poenya a wrav yn fordh dha worhemmynnow, pan redh jy kennerth dhe'm kolonn.

Matthew 24:42

Gwrewgh goelyas ytho rag ny wodhowgh py dydh y teu agas Arloedh.

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Matthew 26:38

Ena yn-medh ev dhedha, ‘Leun a dristyns yw ow enev bys yn ankow; gortewgh omma ha goelyewgh genev.’

Matthew 6:13

Ha na wra agan dri yn temptasyon, mes delirv ni dhiworth drog.

Mark 14:38

Goelyewgh ha pysewgh, ma na entrowgh yn temptasyon; parys fest yw an spyrys, mes an kig yw gwann.’

Luk 11:4

ha gav dhyn agan peghosow, rag ni ynwedh a av dhe beub yw kendoner dhyn ni; ha na wra agan dri yn temptasyon.’

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Luk 22:40

Ha pan dheuth dhe'n tyller yn-medh ev dhedha, ‘Pysewgh ma na entrowgh yn temptasyon.’

Luk 22:46

hag yn-medh ev dhedha, ‘Prag y koskowgh? Sevewgh yn-bann ha pysewgh, ma na entrowgh yn temptasyon.’

Luk 8:13

An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

1 Korinthianys 10:13

Ny dheuva warnowgh temptasyon vyth nag yw kemmyn dhe vab-den. Lel yw Duw, ha ny wra ev agas gasa dhe vos temptys dres agas nerth, mes keffrys ha'n temptasyon ri fordh a dhiank a wra ev, rag may hyllowgh y berthi.

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

1 Korinthianys 9:27

mes my a gronk ow horf ha'y wul gostydh, ma na viv evy, wosa pregoth dhe re erell, gelwys anwiw.

Galatianys 5:24

Seul eus dhe Grist Yesu re growsyas an kig, keffrys ha'n yeunesow ha'n hwansow.

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,

Diskwedhyans 16:15

(‘Otta, my a dheu kepar ha lader. Gwynnvys neb a woel ha gwitha y dhillas na gertho noeth, ha na wello tus y noethedh.’)

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.