Matthew 26:39 - An Bibel Kernewek 20234 (Kernewek Kemmyn)

³⁹ Hag ow mones nebes yn-rag, ev a goedhas war y fas ha pysi ow leverel, ‘Ow Thas, mara kyll henna bos, tremenes an hanaf ma dhiworthiv; mes na vo henna herwydh ow bodh vy saw dha vodh tejy.’

Matthew 26:39 ပူးပေါင်းရင်းမြစ်များ

Jenesis 17:3

Hag Abram a goedhas war y fas ha Duw a gewsis ganso, ow leverel,

2 Samuel 15:26

Mes mar lever yndella, “Ny gemmerav plesour vyth ynnos”, ottavy, gwres ev dhymm kepar dell hevel da dhodho.’

1 Kroniklys 21:16

Davydh a dhrehevis y dhewlagas ha gweles el an Arloedh ow sevel yntra nor ha nev, hag yn y leuv kledha noeth ystynnys yn-mes war Yerusalem. Y'n eur na Davydh ha'n henavogyon, gwiskys yn yskar, a goedhas war aga fas.

Ysay 50:5

An Arloedh Duw re igoras ow skovarn, ha nyns en vy gorth, ny dreylis war-dhelergh.

Ysay 53:12

Rakhenna my a re dhodho rann gans an tus vras, ha gans an tus alloesek ev a rann an preydh; rag ev a dhinewis y vewnans bys ankow, ha reknys veu yn mysk an dhrogoberoryon. Ev a dhug peghes tus pals, hag a bledyas a-barth an dhrogoberoryon.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Niverow 14:5

Ena Moyses hag Aron a goedhas war aga fas a-rag an gemmynieth oll a guntelles mebyon Ysrael.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Matthew 20:22

Yesu a worthybis ha leverel, ‘Ny wodhowgh pandr'a wovynnowgh. A yllowgh hwi eva a'n hanaf a wrav vy eva anodho?’ Yn-medhons dhodho, ‘Gyllyn.’

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Luk 17:16

hag ev a goedhas war y fas orth treys Yesu ha grassa dhodho. Samaritan o ev.

Yowann 11:41

Ytho i a gemmeras an men dhe-ves. Ha Yesu a dhrehevis y dhewlagas ha leverel, ‘A Das, my a woer gras dhis ty dhe'm klewes.

Yowann 14:31

Mes rag may hwodhvo an bys my dhe gara an Tas, ha kepar dell worhemmynnis dhymm an Tas, yndella y hwrav. Sevewgh, deun ni alemma.

Yowann 18:11

Ena yn-medh Yesu dhe Peder, ‘Gorr an kledha y'n woen. An hanaf a ros dhymm an Tas, a ny wrav vy y eva?’

Yowann 5:19

Ena Yesu a worthybis ha leverel dhedha, ‘Yn hwir, yn hwir y lavarav dhywgh, ny yll an Mab gul travyth y honan, marnas an pyth a wel ev an Tas dhe wul; rag pypynag a wra ev, an Mab ynwedh a'n gwra.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Oberow 10:25

Lemmyn y hwarva pan entras Peder, Kornelius a vetyas orto ha koedha orth y dreys, ha'y wordhya.

Filippianys 2:8

ev a omuvelhas ha dos ha bos gostydh bys yn ankow, mernans yn krows.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’