Matthew 25:21 - An Bibel Kernewek 20234 (Kernewek Kemmyn)

²¹ Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:21 ပူးပေါင်းရင်းမြစ်များ

Lavarow Koth 14:35

Gwas neb a dhyght yn fur a'n jeves favour an myghtern, mes y gonnar a goedh war neb a dhre mewl.

Lavarow Koth 28:20

An gour a lenduri a'n jevydh meur a vennathow, mes neb a fysk dhe vos rych ny vydh heb kessydhyans.

Matthew 24:45

‘Piw ytho yw an kethwas lel ha fur may ros an mester dhodho charj a'y deylu rag ri dhedha aga boes yn prys ewn?

Matthew 24:47

Yn hwir y lavarav dhywgh, ev a re dhodho an charj a oll y byth.

Matthew 25:23

Yn-medh y vester dhodho, “Yn ta y hwruss'ta, ty gethwas da ha lel, ty re beu lel war nebes, my a re dhis charj a lies tra. Ke dhejy a-bervedh yn lowena dha vester.”

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Luk 12:44

Dhe wir y lavarav dhywgh, ev a re dhodho charj war oll y bythow.

Luk 16:10

‘Neb yw lel yn tra pur vyghan yw lel ynwedh yn tra veur, ha neb yw dislel yn tra pur vyghan yw dislel ynwedh yn tra veur.

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Yowann 14:3

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Romanyon 2:29

Mes ev yw gwir Yedhow neb yw onan war-ji, ha trodreghyans yw a'n golonn, yn spyrys heb bos yn lytherenn, ma nag yw y wormola dhiworth tus mes dhiworth Duw.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 10:18

rag nyns yw ev neb a omgommend y honan neb yw degemmerys, mes ev neb yw kommendys gans an Arloedh.

2 Korinthianys 5:9

Rakhenna, mars eson ni po yn tre po a-dre, mall yw genen ni bos plegadow dhodho.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

1 Timothi 3:13

Rag an re a wonis yn ta avel dyagonyon a gyv roweth da ragdha i ha kolonnekter meur y'n fydh yn Krist Yesu.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’