Matthew 23:5 - An Bibel Kernewek 20234 (Kernewek Kemmyn)

⁵ Oll aga oberow i a wra rag bos gwelys gans tus; rag i a ledanha aga fylakteriow ha hirhe pilennow aga gwisk.

Matthew 23:5 ပူးပေါင်းရင်းမြစ်များ

2 Myghternedh 10:16

Hag ev a leveris, ‘Deus genev ha gweles ow avi rag an Arloedh.’ Ytho ev a wrug dhodho marghogeth yn y jarett.

Eksodus 13:9

Hag y fydh dhis avel tokyn war dha dhorn hag avel kov yntra dha dhewlagas, may fo lagha an Arloedh yn dha anow; rag dre leuv grev an Arloedh re'th tros yn-mes a Ejyp.

Lavarow Koth 3:3

Na as tregeredh ha gwirder dhe'th forsakya, kolm i a-dro dhe'th konna, skrif i war legh dha golonn.

Levitikus 13:32

Ha'n seythves dydh an oferyas a hwither an pla ha mar nyns yw an droskenn omlesys ha nyns eus ynno blew melyn, ha ny hevel bos an droskenn downa es an kneus,

Matthew 9:20

Hag otta, benyn neb a wodhevi dewdhek blydhen dhiworth liv goes a dheuth a-dryv dhodho ha tochya pilenn y vantell;

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Luk 20:47

neb a gollenk chiow an gwedhwesow, hag a wra pysadow hir yn fayntys; an re ma a's tevydh dhe voy dampnasyon.’

Yowann 12:43

rag i a garas gormel tus moy es gormel Duw.

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Dewteronomi 11:18

Settyewgh ow geryow ma war agas kolonn ha war agas enev, ha kelmewgh i avel tokyn war agas leuv, hag y fydhons soenelligow yntra dha dhewlagas.

Dewteronomi 22:12

Ty a wra kribellow war beswar korn dha dhillas a wiskydh.

Dewteronomi 6:8

ha ty a's kelm avel tokyn war dha leuv, hag y fydhons soenelligow yntra dha dhewlagas.

Filippianys 1:15

Dhe wir, re a bregoth Krist der envi ha strif, mes re ynwedh dre volonjedh da;

Filippianys 2:3

heb gul travyth dre gesstrif na dre woeth, mes yn uvelder, ow synsi pub den arall dhe vos gwell agesowgh agas honan,

2 Thessalonianys 2:4

neb a omsett hag omdhrehevel a-ugh pup-tra yw henwys Duw, po yw gordhys, mayth esedh yn tempel Duw, ow teklarya ev y honan dhe vos Duw.