Matthew 22:3 - An Bibel Kernewek 20234 (Kernewek Kemmyn)

³ Hag ev a dhannvonas y gethwesyon dhe dhri an dus gelwys dhe dhos dhe'n demmedhyans, mes i ny vynnens dos.

Matthew 22:3 ပူးပေါင်းရင်းမြစ်များ

Salmow 68:11

An Arloedh a ros an ger; bagas meur a dhellos an derivas:

Ysay 30:15

Rag yndellma y lever an Arloedh Duw, Sans Ysrael: Yn edrega ha powes hwi a vydh selwys, yn kosoleth ha fydhyans y fydh agas nerth, mes ny'n mynnewgh.

Yeremia 25:4

Ha kyn tannvonas an Arloedh dhywgh oll y servysi an brofoesi, orth aga dannvon arta hag arta, ny woslewsowgh na ny blegsowgh agas skovarn dhe glewes.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Hosea 11:2

Dhe voy y hwrugavy aga gelwel, dhe bella yth ethons dhiworthiv, ow sakrifia dhe Baalim, hag ow leski offrynnow dhe imajys.

Hosea 11:7

Ow fobel yw ervirys dhe dreylya ahanav vy. I a elow war-vann, mes ny wra ev aga ughelhe.

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.

Matthew 21:34

Ha pan esa prys an drevas ow nesa, ev a dhannvonas y gethwesyon dhe'n diogyon rag kavoes y drevas.

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 9:15

Ha Yesu a leveris dhedha, ‘A yll kowetha an gour pries kyni hedre vo an gour pries gansa? Mes an dydhyow a dheu pan vydh an gour pries kemmerys dhiworta hag y'n eur na i a wra penys.

Luk 13:34

Yerusalem, Yerusalem, neb a ladh an brofoesi ha labydha an re yw dannvenys dhis, peskweyth y yeunis vy kuntell dha fleghes war-barth kepar dell guntell yar hy yerigow yn-dann hy eskelli, ha ny vynnsowgh!

Luk 15:28

Mes ev a sorras, ha skonyas a vos a-ji; ytho y das a dheuth yn-mes ha'y bysi.

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Yowann 5:40

mes ny vynnowgh dos dhymmo vy rag may fo bewnans dhywgh.

Oberow 13:45

Mes pan welsons an routhow, an Yedhewon a veu lenwys a avi, hag i a gontradias, ow kewsel blasfemi erbynn an pyth a veu leverys gans Powl.

Romanyon 10:21

Mes dhe Ysrael ev a lever, ‘Oll an jydh yth ystynnen ow diwleuv dhe bobel dhiwostydh ha gorth.’

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’