Matthew 21:5 - An Bibel Kernewek 20234 (Kernewek Kemmyn)

⁵ ‘Lavar dhe vyrgh Sion, Awotta dha vyghtern a dheu dhiso klor hag esedhys war asen ha war ebel, mab asen.’

Matthew 21:5 ပူးပေါင်းရင်းမြစ်များ

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 16:2

Yn-medh an myghtern dhe Siba, ‘Prag y hwruss'ta dri an re ma?’ Siba a worthybis, ‘An asenes yw rag mayni an myghtern dhe varghogeth warnedha; ha'n bara ha frutys hav yw rag an wer yowynk dhe dhybri; ha'n gwin yw rag an re a glamder y'n gwylvos dhe eva.’

1 Myghternedh 1:33

An myghtern a leveris dhedha, ‘Kemmerewgh genowgh gwesyon agas arloedh, ha settyewgh Solomon ow mab dhe varghogeth war ow mul, ha'y dhri yn-nans dhe Gihon.

1 Myghternedh 10:26

Solomon a guntellas war-barth charettow ha mergh; ev a'n jevo mil ha peswarf kans charett ha dewdhek mil vargh, hag ev a's gorras y'n sitys-charett ha gans an myghtern yn Yerusalem.

Salmow 9:14

rag may teriffiv oll dha wormola yn porthow myrgh Sion; my a lowenha y'th selwyans.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Ezekiel 34:24

My, an Arloedh, a vydh Duw dhedha, ha'm gwas Davydh a vydh pennsevik yn aga mysk. My, an Arloedh, re gewsis.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Niverow 24:19

Dre Yakob gwarthevyans a vydh gwrys, ha'n re a skap dhiworth sita a vydh distruys!’

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 2:2

ow leverel, ‘Ple'ma ev yw genys Myghtern an Yedhewon? Rag ni a welas y sterenn y'n howldrevel hag yth on ni devedhys dh'y wordhya.’

Matthew 2:6

“Ha ty, Bethlehem, pow Yuda, nyns os mann an lyha yn mysk gwelhevin Yuda, rag yn-mes ahanas y teu hembrenkyas neb a wra bugelya ow fobel Ysrael.” ’

Matthew 21:6

An dhyskyblon eth ha gul kepar dell worhemmynnsa Yesu dhedha,

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

Dewteronomi 17:16

Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’

Breusysi 12:14

Ev a'n jevo dew-ugens mab ha deg mab-wynn warn ugens, hag a varghoga war dheg asen ha tri-ugens; ev a vreusi Ysrael eth blydhen.

Breusysi 5:10

‘Derivewgh anodho, hwi hag a varghogeth war asenes gellvelyn, hwi hag a esedh war ballennow-diber fethus ha hwi hag a gerdh ryb an fordh.