Matthew 21:12 - An Bibel Kernewek 20234 (Kernewek Kemmyn)

¹² Ha Yesu a entras y'n tempel hag a dewlis yn-mes oll an re esa ow kwertha hag ow prena y'n tempel hag ev a dhomhwelis moesow an arghansoryon hag esedhow an re esa ow kwertha kelemmi,

Matthew 21:12 ပူးပေါင်းရင်းမြစ်များ

Eksodus 30:13

Peub a dremen dhe'n re reknys seulabrys a re hanter shekel, war-lergh shekel an sentri (an shekel yw ugens gera), hanter shekel profys dhe'n Arloedh.

Levitikus 1:14

Ha mars yw y offrynn dhe'n Arloedh sakrifis leskys a ydhyn, ena ev a dhre avel offrynn turennow po kelemmi yowynk.

Levitikus 12:6

Ha pan vo kowlwrys dydhyow hy glanheans rag mab po rag myrgh, hi a dhre oen unn bloedh rag offrynn leskys, ha kolomm yowynk po turenn rag offrynn pegh bys yn daras tylda an kuntelles, dhe'n oferyas.

Levitikus 12:8

Ha mar nyns eus yn hy leuv pygans lowr rag oen, hi a dhre diw durenn po diw golomm yowynk, an eyl rag offrynn leskys ha'y ben rag offrynn pegh, ha'n oferyas a wra dehwelyans rygdhi, ha hi a vydh glan.

Levitikus 14:22

ha diw durenn po diw golomm yowynk, par dell eus yn y leuv pygans lowr, ha'n eyl anedha a vydh offrynn pegh ha'y ben offrynn leskys.

Levitikus 14:30

Hag ev a offrynn onan a'n turennow po a'n kelemmi yowynk, par dell eus yn y leuv pygans lowr dh'aga havoes,

Levitikus 15:14

Ha'n ethves dydh ev a gemmer diw durenn po diw golomm yowynk ha dos dherag an Arloedh bys yn daras tylda an kuntelles ha'ga ri dhe'n oferyas.

Levitikus 15:29

Ha'n ethves dydh hi a gemmer diw durenn po diw golomm yowynk ha'ga dri dhe'n oferyas, dhe dharas tylda an kuntelles.

Levitikus 5:11

Mes mar nyns eus yn y leuv pygans lowr rag diw durenn po diw golomm yowynk, ev a dhre y offrynn rag an pegh a wrug, unn degves rann a efa a vleus fin rag offrynn pegh. Ny worr oyl warnodho, ha ny worr frankynkys warnodho, rag offrynn pegh yw.

Levitikus 5:7

Ha mar nyns eus yn y leuv pygans lowr rag oen, ev a dhre, avel offrynn kammweyth rag an pegh a wrug, diw durenn po diw golomm yowynk dhe'n Arloedh, onan rag offrynn pegh ha'y ben rag offrynn leskys.

Mark 11:11

Hag ev a dheuth dhe Yerusalem, dhe'n tempel; ha wosa ev dhe vires a-derdro war bup-tra, ha'n eur lemmyn diwedhes, ev eth yn-mes dhe Bethani gans an dewdhek.

Luk 2:24

ha dhe offrynna sakrifis war-lergh an pyth yw leverys yn lagha an Arloedh, ‘Kopel a durennow po diw golommenn yowynk.’

Yowann 2:13

Hag ogas o pask an Yedhewon, ha Yesu eth yn-bann dhe Yerusalem,