Matthew 16:18 - An Bibel Kernewek 20234 (Kernewek Kemmyn)

¹⁸ Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Matthew 16:18 ပူးပေါင်းရင်းမြစ်များ

Jenesis 22:17

my a wra dha venniga yn surredi, ha kressya dha has kepar ha ster an nevow ha kepar ha'n tewes war dreth an mor, ha'th has a wra erita yet y eskerens.

2 Samuel 18:4

Yn-medh an myghtern dhedha, ‘Pypynag a hevel da dhywgh, my a'n gwra.’ Ytho an myghtern a sevis ryb tenewen an yet, hag oll an bobel a dheuth yn-mes yn kansow hag yn milyow.

Job 38:17

A veu porthow ankow diskwedhys dhis? A welsys porthow an tewlder down?

Salmow 107:18

Aga enev a aborryas boes a bub eghenn, hag i a dheuth nes dhe borthow ankow.

Salmow 127:5

Gwynnvys an gour re lenwis y woen-sethow anedha; ny berthons meth pan gewsons orth aga eskerens y'n porth.

Salmow 129:2

‘Lieskweyth y grevsons dhymm dhiworth ow yowynkneth, mes ny yllens ow fetha.

Salmow 69:12

An re a esedh y'n porth a gews er ow fynn, ha'n bennow-medhow a gan ahanav yn ges.

Salmow 9:13

Bydh grassyes orthiv, A Arloedh; mir orth ow anken, a wodhavav dhiworth an re a'm kas, ty neb a'm drehav dhiworth porthow ankow,

Lavarow Koth 24:7

Furneth yw re ughel rag den foll, hag ny iger ev y anow y'n yet.

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Ysay 28:6

ha spyrys a wirvreus dhe neb a esedh yn breus, ha nerth dhe'n re a dreyl an vatel dhe-ves dhiworth an yet.

Ysay 38:10

My a leveris: Yn hanter-dydh ow bewnans res yw dhymm mos; ha bos niverys yn yetys ifarn yn remenant ow blydhynyow.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Yona 2:6

Dhe woeles an menydhyow yth yth vy, barrys an nor a'm degeas a-derdro bynitha; mes ty a dhros ow bewnans yn-bann dhiworth an pytt, A Arloedh ow Duw.

Matthew 10:2

Ottomma henwyn an dewdhek abostol: an kynsa, Simon, neb yw gelwys Peder, hag Androw y vroder, Jamys mab Zebede ha Yowann y vroder,

Matthew 11:23

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn. Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw.

Matthew 18:17

ha mara skon ev dhedha, deriv an dra dhe'n eglos; ha mara skon ev hwath dhe'n eglos, ev bedhes dhiso avel pagan po toller.

Matthew 4:18

Hag ev ow kerdhes ryb mor Galile a welas dew vroder, Simon, gelwys Peder hag Androw y vroder, ow tewlel roes y'n mor; rag pyskadoryon ens i.

Matthew 7:24

‘Pubonan ytho a woslow ow geryow ma hag a's gwra, a vydh hevelebys dhe wour fur neb a dhrehevis y ji war an garrek;

Yowann 1:42

Ev a'n dros dhe Yesu. Yesu a viras orto ha leverel, ‘Ty yw Simon mab Yowann. Ty a vydh henwys Kefas’ (yw treylys, Karrek).

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 8:1

Hag yth esa Sowl owth assentya dh'y ladhva. Hag y'n jydh na yth esa helghyans meur erbynn an eglos yn Yerusalem, hag i oll a veu skattrys dres an powyow a Yudi ha Samaria, marnas an abesteli.

1 Korinthianys 15:55

‘A ankow, ple'ma dha drygh? A ankow, ple'ma dha vros?’

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Efesianys 5:32

Meur yw an mysteri ma, mes my a gews a Grist ha'n eglos.

Kolossianys 1:18

Hag ev yw penn an korf, an eglos, neb yw an dalleth, an kynsa-genys dhiworth an re varow, rag may fo ev an kynsa yn pup-tra.

1 Timothi 3:15

Mes mar strechyav, ty a wra godhvos fatell yw res omdhegi yn mayni Duw, yw eglos an Duw bew, an pilar ha'n grond a wiryonedh.

1 Timothi 3:5

Den mar ny woer rewlya y vayni ev, fatell wra gwitha eglos Duw?

Ebrowyon 12:28

Ytho godhvydhyn gras a dhegemmeres ruvaneth na yll degrena, ha rakhenna profyn dhe Dhuw gordhyans plegadow yn revrons hag agha;

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’

Diskwedhyans 21:14

Ha fos an sita a's tevo dewdhek sel, hag ynna henwyn dewdhek abostol an Oen.