Matthew 13:11 - An Bibel Kernewek 20234 (Kernewek Kemmyn)

¹¹ Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Matthew 13:11 ပူးပေါင်းရင်းမြစ်များ

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 29:11

An gwelesigeth a hemma oll yw dhywgh kepar ha geryow a lyver selys. Pan y'n rons dhe dhen lettrys, ow leverel ‘Lenn hemma’, yn-medh ev, ‘Ny allav, drefenn y vos selys.’

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Matthew 13:10

Ena y teuth dhodho an dhyskyblon ha leverel dhodho, ‘Prag y kewsydh orta dre barabolennow?’

Matthew 16:17

Ha Yesu a worthybis ha leverel dhodho, ‘Gwynn dha vys, Simon mab Yona, rag kig ha goes ny dhiskudhas henna dhis, mes ow Thas eus y'n nevow.

Matthew 19:11

Mes yn-medh ev dhedha, ‘Ny yll pubonan degemmeres an lavar na, saw an re may fo grontys dhedha.

Matthew 20:23

Yn-medh ev dhedha, ‘Hwi a wra eva a'm hanaf, mes esedha a'm parth dhyghow ha'm parth kledh, nyns eus dhymmo y ri, mes yma dhe seul a vo darbarys dhedha gans ow Thas.’

Mark 10:40

mes esedha a'n barth dhyghow dhymm hag a'n barth kledh, henna nyns yw dhymm dhe ri; mes y fydh res dhe'n re mayth yw dhedha darbarys.’

Mark 4:11

Hag ev a leveris dhedha, ‘Dhywgh hwi yma grontys kevrin gwlaskor Duw, mes dhe'n re a-ves, pup-tra a dheu dre barabolennow,

Luk 8:10

Hag ev a leveris, ‘Dhy'hwi yw grontys aswonn kevrinyow gwlaskor Duw, mes dhe'n re erell dre barabolennow, rag may firons heb gweles, ha rag may klewons heb konvedhes.

Yowann 6:65

Hag yn-medh ev, ‘Rakhenna my a leveris dhywgh, na yll denvyth dos dhymmo vy marnas hemm yw grontys dhodho gans ow Thas.’

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 16:14

Hag yth esa unn venyn henwys Lydia, marchont yn purpur, a'n sita Thyatira neb o gordhyores Duw, ow koslowes; ha'n Arloedh a igoras hy golonn dhe attendya an taklow kewsys gans Powl.

Romanyon 11:25

Rag ny vynnav hwi dhe vos heb godhvos, a vreder, a'n kevrin ma, ma na vewgh ynnowgh hwi agas honan fur: kalesenn dhe vos devedhys yn rann war Ysrael, bys pan dheffo a-ji an myns kowal a'n kenedhlow,

Romanyon 16:25

Lemmyn dhodho ev neb a yll agas krevhe herwydh ow aweyl ha pregoth Yesu Krist, herwydh diskwedhyans an kevrin a vedha gwithys taw der an oesow

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.

1 Korinthianys 15:51

Otta, my a lever kevrin dhywgh. Ny wren ni oll koska, mes ni oll a vydh chanjys,

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Korinthianys 2:7

Mes ni a gews furneth Duw, kevrinek ha kudh, a ragdhestnas Duw kyns an oesow rag agan glori.

1 Korinthianys 4:1

Yndella y koedh dhe dus agan akontya avel gwesyon Krist ha rennysi kevrinyow Duw.

1 Korinthianys 4:7

Rag piw a wel dha vos arbennik? Ha pandra a'th eus na dhegemmersys? Ha mara'n degemmersys, prag y fostydh, kepar ha pan na dhegemmersys?

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 1:9

ow ri dhyn godhvos kevrin y volonjedh, war-lergh y vodh a dhispletyas ynno

Efesianys 5:32

Meur yw an mysteri ma, mes my a gews a Grist ha'n eglos.

Efesianys 6:19

ha ragov vy, may fo kows res dhymm, ha my owth igeri ow ganow, dhe dhyllo yn hardh mysteri an aweyl.

Kolossianys 2:2

may fons kennerthys yn aga holonn, ow pos junys war-barth yn kerensa hag y'n rychys oll a'n surheans leun a gonvedhes, rag aswonnvos a'n mysteri a Dhuw, a Grist;

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Timothi 3:9

ow synsi mysteri an fydh, glan aga howses.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.