Matthew 12:34 - An Bibel Kernewek 20234 (Kernewek Kemmyn)

³⁴ Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 12:34 ပူးပေါင်းရင်းမြစ်များ

Salmow 53:1

An den anfur re leveris yn y golonn, ‘Nyns eus Duw.’ Legrys yns, hag i re wrug sherewneth kasadow; nyns eus denvyth a wrello dader.

Salmow 64:3

neb a lymmas aga thaves avel kledha, hag a dewlis lavarow hwerow avel sethow;

Salmow 64:5

I a ynni aga honan dhe dhregynn; i a omgusul a gudha antylli, hag yn-medhons, ‘Piw a wel?’

Lavarow Koth 16:23

Kolonn an den fur a wra y anow doeth, hag a geworr dyskans dh'y dhiwweus.

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Ysay 32:6

Rag an foll a gews follneth, ha' y golonn a wra droktra: ev a wra taklow didhuw, ow kewsel falsuri a-dro dhe'n Arloedh, ow kul gwag enev an den nownek hag ow skonya ri dowr dhe'n den mayth eus syghes dhodho.

Ysay 59:14

Gwirvreus yw treylys war-dhelergh, hag ewnder a sev a-bell; rag gwirder re drebuchyas y'n stret, ha ny yll ewnhynseth entra.

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Matthew 12:35

An den da a dhre taklow da yn-mes a'y dresor da, ha'n drog dhen a dhre droktaklow yn-mes a'y dhroktresor.

Matthew 15:18

Mes an taklow a dheu yn-mes a'n ganow a dheu dhiworth an golonn ha henna a wra defola den.

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Luk 3:7

Ytho ev a leveri dhe'n routhow a dheuth mes dhe vos besydhys ganso, ‘Askorr nadres! Piw a'gas gwarnyas dhe fia dhiworth an sorr a dheu?

Luk 6:45

An densa a dhre dader yn-mes a dresor da y golonn, ha'n drogoberer a dhre drog yn-mes a'n drog, rag y anow a gews yn-mes a lanwes an golonn.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Efesianys 5:4

Na vedhes fara plos na kows gokki na ges, nag yw gwiw, mes grasyans yn aga le.

Jamys 3:2

Pubonan ahanan a gammwra yn lies tra. Den mar ny gammwra yn y lavar, gour perfydh yw hemma, hag ev a yll fronna an korf dien ynwedh.

1 Yowann 3:10

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.

1 Samuel 24:13

Kepar dell lever henlavar an dus koth, “Dhiworth tebelwesyon a dheuth yn-rag sherewynsi”; mes ny vydh ow leuv er dha bynn.