Matthew 12:18 - An Bibel Kernewek 20234 (Kernewek Kemmyn)

¹⁸ ‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 12:18 ပူးပေါင်းရင်းမြစ်များ

Salmow 89:19

Yn termyn passys y kewssys orth dha syns yn gwelesigeth, ha leverel: ‘My re worras gweres war onan galloesek; my re dhrehevis onan dewisys yn-mes a'n bobel.

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 62:2

An kenedhlow a wel dha ewnder, hag oll myghternedh dha glori, Ty a vydh gelwys gans hanow nowydh a wra ganow an Arloedh y fastya.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

Zekaria 3:8

Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.

Matthew 12:17

may fe kollenwys an dra menegys gans Ysay an profoes, ow leverel,

Matthew 17:5

Hag ev ow kewsel, awotta, kommolenn wolow a dewlis skeus warnedha, hag awotta lev yn-mes a'n gommolenn ow leverel, ‘Hemm yw ow Mab karadow, mayth usi ynno ow delit; klewewgh ev.’

Mark 1:11

ha lev a dheuth a'n nevow, ‘Ty yw ow Mab karadow; ynnos yma ow delit.’

Mark 9:7

Hag y teuth kommolenn ha tewlel skeus warnedha; ha lev a dheuth yn-mes a'n gommolenn, ‘Hemm yw ow Mab karadow: klewewgh ev.’

Luk 23:35

Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’

Luk 3:22

ha'n Spyrys Sans a dheuth yn-nans warnodho yn furv gorfek, kepar ha kolomm, ha lev a dheuth a nev, ‘Ty yw ow Mab karadow; ynnos yma ow delit.’

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Luk 9:35

Ha lev a dheuth yn-mes a'n gommolenn ow leverel, ‘Hemm yw ow Mab dewisys, klewewgh ev.’

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 11:18

Pan glewsons an taklow ma, i a dewis ha gordhya Duw, ow leverel, ‘Ytho dhe'n Jentilys ynwedh Duw re ros edrek a led dhe vewnans.’

Oberow 14:27

Ha pan ens i devedhys i a guntellas war-barth an eglos ha derivas an taklow re wrussa Duw dredha, ha fatell igorsa daras a fydh dhe'n Jentilys.

Efesianys 1:6

dhe wormel splannder y ras a wrontyas dhyn y'n Karadow;

Kolossianys 1:1

Powl, abostol Krist Yesu dre vodh Duw, ha Timothi agan broder,

Kolossianys 1:13

Ev a wrug agan delivra yn-mes a alloes an tewlder ha'gan gorra yn gwlaskor y Vab karadow,

1 Peder 2:4

Dewgh dhodho, men bew skonys gans mab-den mes dewisys gans Duw ha drudh.

2 Peder 1:17

Rag ev a dhegemmeras enor ha splannder dhiworth Duw an Tas, pan veu dres dhodho lev a'n par ma gans an splannder bryntin, ‘Hemm yw ow Mab karadow, mayth usi ynno ow delit.’