Matthew 10:23 - An Bibel Kernewek 20234 (Kernewek Kemmyn)

²³ Pan y'gas helghyons y'n sita ma, fiewgh dhe onan arall; rag yn hwir y lavarav dhywgh, ny worfennowgh tremena dre sitys Ysrael kyns bos devedhys Mab an den.

Matthew 10:23 ပူးပေါင်းရင်းမြစ်များ

Yeremia 26:21

Ha pan glewas Yehoyakim, gans oll y wer alloesek, hag oll an bennsevigyon, y eryow ev, an myghtern a hwilas y worra dhe'n mernans; mes pan glewas Uria hemma, ev a borthas own, ha fia ha mos dhe Ejyp.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 2:13

Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Matthew 23:36

Yn hwir y lavarav dhywgh, oll an taklow ma a dheu war an henedh ma.

Matthew 24:27

Rag kepar dell dheu an lughesenn yn-mes a'n howldrevel ha golowi bys y'n howlsedhes, yndella y fydh devedhyans Mab an den.

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 24:34

Yn hwir y lavarav dhywgh, ny dremen an henedh ma erna vo oll an taklow ma gwrys.

Matthew 24:48

Mes mars yw an kethwas na drog, hag a lever yn y golonn, “Delatya a wra ow mester y dhevedhyans”,

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Matthew 26:64

Yesu a leveris dhodho, ‘Ty re'n leveris; mes hwath yn-medhav dhywgh, Wosa hemma, hwi a wel Mab an den esedhys a'n barth dhyghow dhe'n galloes hag ow tos war gommol an nev.’

Matthew 4:12

Ha pan glewas bos Yowann dalghennys, ev a omdennas dhe Alile.

Mark 13:26

Hag ena i a wel Mab an den ow tos y'n kommol gans meur alloes ha golewder.

Luk 18:8

Lavarav dhywgh, ev dhe wul gwirvreus ragdha hware. Mes pan dheu Mab an den, a gyv ev fydh war an nor?’

Luk 21:27

Hag ena i a wel Mab an den ow tos yn kommolenn gans nerth ha golewder meur.

Yowann 7:1

Wosa hemma, yth esa Yesu ow kerdhes yn Galile; rag ny vynna kerdhes yn Yudi, rag an Yedhewon a hwila y ladha.

Oberow 17:10

Hag a-dhistowgh, yn termyn nos, an vreder a dhannvonas yn-rag ha Powl ha Silas dhe Berea. Pan dheuthons di, i eth yn synaga an Yedhewon;

Oberow 17:14

Ytho, an vreder a dhannvonas Powl dhe-ves, rag mos dhe'n mor; mes Silas ha Timothi a wortas ena.

Oberow 20:1

Pan hedhis an freudh, Powl a elwis war-barth an dhyskyblon ha'ga hennertha, ha wosa gasa kummyas anedha ev eth yn-rag dhe Makedonia.

Oberow 8:1

Hag yth esa Sowl owth assentya dh'y ladhva. Hag y'n jydh na yth esa helghyans meur erbynn an eglos yn Yerusalem, hag i oll a veu skattrys dres an powyow a Yudi ha Samaria, marnas an abesteli.