Mark 7:21 - An Bibel Kernewek 20234 (Kernewek Kemmyn)

²¹ Rag a'n tu a-bervedh, yn-mes a golonn tus, y teu drokprederow: fornikasyon, ladrans, denladh:

Mark 7:21 ပူးပေါင်းရင်းမြစ်များ

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Job 14:4

Piw a yll dri neppyth glan dhiworth neppyth mostys? Denvyth.

Job 25:4

Fatell yll den bos gwiryon a-rag Duw? Fatell yll den dineythys a venyn bos glan?

Salmow 119:36

Pleg ow holonn troha'th tustuniow, ha na wra hy flegya troha krefni.

Salmow 14:1

An den anfur re leveris yn y golonn, ‘Nyns eus Duw.’ Legrys yns i, hag i re wrug obereth kasadow, nyns eus denvyth a wrello dader.

Salmow 14:3

Pubonan re dreylyas a-denewen, legrys yns i war-barth; nyns eus denvyth a wrello dader, nyns eus nagonan.

Salmow 53:1

An den anfur re leveris yn y golonn, ‘Nyns eus Duw.’ Legrys yns, hag i re wrug sherewneth kasadow; nyns eus denvyth a wrello dader.

Salmow 53:3

Pubonan anedha re gildennas, legrys yns i oll war-barth; nyns eus denvyth a wrello dader, nyns eus nagonan.

Lavarow Koth 15:25

An Arloedh a derr dhe'n dor chi an re woethus, mes ev a venten orven an wedhwes.

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Ysay 59:7

Aga threys a boen dhe dhrog, hag i a fysk dhe dhinewi goes ankablus. Aga frederow yw frederow a anewnder; yma freudh ha kollva yn aga fordhow.

Yeremia 16:12

ha hwi re omdhug gweth ages agas tasow; rag otta, hwi a gerdh peub herwydh gorthter y golonn dhrog, ow nagha goslowes orthiv.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Matthew 15:19

Rag dhiworth an golonn y teu drokprederow: denladh, avoutri, dijastita, ladrans, fals dhustuni ha blasfemi.

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Mark 7:20

Hag yn-medh ev, ‘An pyth a dheu yn-mes a'n den, henna a wra defola an den.

Mark 7:22

avoutri, krefni, sherewneth, falsuri, drokhwans direwl, tebel-lagas, blasfemi, goeth, follneth;

Luk 16:15

Hag ev a leveris dhedha, ‘Hwi yw an re a justifi aga honan a-wel tus, mes Duw a aswonn agas kolonn; rag an dra eksaltys yn mysk tus yw pyth kasadow a-wel Duw.

Oberow 5:4

Hag ev heb y wertha, a ny veu dhiso jy, ha wosa y vos gwerthys, a ny veu an mona dhiso jy? Prag y tewlsys an ober ma y'th kolonn? Ny leversys gow dhe dus, mes dhe Dhuw.’

Oberow 8:22

Kemmer edrek, ytho, a'n sherewynsi usi dhis, ha pys war an Arloedh may fo gevys dhis, mar kyll bos, mynnas dha golonn.

Romanyon 7:5

Ha ni hwath ow pewa y'n kig, agan drokhwansow a begh drehevys gans an lagha, a oberi yn agan eseli dhe dhoen frut rag mernans.

Romanyon 7:8

Mes pegh ow kavoes prys y'n gorhemmynn, a wre ynnov vy drokhwans a bub eghenn, rag a-der an lagha marow yw pegh.

Kolossianys 3:5

Ytho, gorrewgh dhe'n mernans an pyth ynnowgh usi a'n nor, fornikasyon, plosedhes, hwans dres eghenn, drog yeunes, ha krefni, yw gordhyans idolys,

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Jamys 2:4

a ny wrussowgh dissernya yntredhowgh ha mos ha bos breusydhyon drog agas prederow?