Mark 4:8 - An Bibel Kernewek 20234 (Kernewek Kemmyn)

⁸ Ha rann arall a goedhas yn dor da, hag a dhug trevas esa ow tevi hag ow kressya, hag a dhug, rann deg warn ugens, rann tri-ugens, ha rann kansplek.’

Mark 4:8 ပူးပေါင်းရင်းမြစ်များ

Jenesis 26:12

Hag Ysak a hasas has y'n pow na ha kavoes kansplek y'n vlydhen na, ha'n Arloedh a'n bennigas.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Yeremia 23:29

A nyns yw ow ger avel tan? yn-medh an Arloedh, hag avel morthol a derr karrek dhe demmyn?

Matthew 13:23

Mes an dra hesys yn tir da, ev yw neb a glew an ger ha'y gonvedhes hag ev a dheg frut, re anedha ow ri kansplek, re tri-ugensplek ha re deg warn ugensplek.’

Matthew 13:8

Mes rann arall a goedhas war dir da hag a dhug trevas, rann kansplek, rann tri-ugensplek ha rann deg warn ugens.

Mark 4:20

Ha'n re na yw an re a veu hesys yn tir da, neb a glew an ger hag a'n degemmer, hag a dheg frut, re deg warn ugens, re tri-ugens, ha re kansplek.’

Mark 4:7

Ha rann arall a goedhas yn mysk spern, ha'n spern a devis ha'y thaga, ha ny dhug trevas.

Mark 4:9

Hag yn-medh ev, ‘Neb a'n jeva diwskovarn rag klewes, ev klewes.’

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Luk 8:8

Ha rann arall a goedhas yn dor mas, ha pan devis, hi a dhug trevas, kansplek.’ Hag ow leverel hemma, ev a grias, ‘Neb a'n jeves diwskovarn rag klewes, ev klewes.’

Yowann 15:5

My yw an gwinbrenn, hwi an skorrennow. Neb a drig ynnov vy ha my ynno ev, ev a dheg meur a frut, rag hebov vy, ny yllowgh gul travyth.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Efesianys 2:21

Ynno ev oll an drehevyans junys war-barth, a dyv dhe vos tempel sans y'n Arloedh;

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;