Mark 13:9 - An Bibel Kernewek 20234 (Kernewek Kemmyn)

⁹ ‘Mes bedhewgh war ragowgh agas honan; rag i a wra agas daskorr dhe gonselyow, hag y'n synagys hwi a vydh kronkys, ha hwi a vydh settys a-rag governours ha myghternedh a-barth dhymmo vy, yn dustuni er aga fynn.

Mark 13:9 ပူးပေါင်းရင်းမြစ်များ

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Mark 1:44

ha leverel dhodho, ‘Gwayt na leverri travyth orth denvyth, mes ke war dha hyns, omdhiskwa dha honan dhe'n oferyas, hag offrynn rag dha lanheans an taklow a worhemmynnis Moyses, yn dustuni dhedha.’

Mark 13:5

Ha Yesu a dhallathas leverel dhedha, ‘Gwaytyewgh na'gas toello denvyth.

Mark 13:8

Rag kenedhel a sev erbynn kenedhel ha gwlaskor erbynn gwlaskor; y fydh dorgrysyow yn lower le, y fydh divoetter; dalleth gloesow yw an re ma.

Mark 6:11

Ha py tyller pynag na vynno agas degemmeres, na'gas klewes, pan yllowgh alena, shakyewgh dhe-ves an doust a-dhann agas treys yn dustuni er aga fynn.’

Luk 9:5

Ha seul na wra agas wolkomma, pan yllowgh yn-mes a'n sita na, shakyewgh an doust a-dhann agas treys yn dustuni er aga fynn.’

Yowann 15:20

Perthewgh kov a'n ger a gewsis dhywgh: Nyns yw an kethwas brassa es y vester. Mar kwrussons ow helghya vy, i a'gas helgh hwi ynwedh; mar kwrussons gwitha ow ger vy, ynwedh i a with agas ger hwi.

Yowann 16:2

I a wra agas emskemuna a'n synaga; mes an eur a dheu pan dyb peub a wra agas ladha, ev dhe brofya gordhyans dhe Dhuw.

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

Filippianys 1:29

Rag y feu res dhywgh a-barth Krist, ha krysi dhodho hag ynwedh godhevel ragdho,

2 Thessalonianys 1:5

Tokyn diblans yw a vreus gwiryon Duw, may hyllowgh bos degemmerys gwiw dhe wlaskor Duw, mayth esowgh ow kodhevel ragdho.

2 Yowann 1:8

Mirewgh orthowgh agas honan, na gellowgh an traow re wrussyn mes degemmeres leun bewas.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.