Malaki 2:17 - An Bibel Kernewek 20234 (Kernewek Kemmyn)

¹⁷ Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Malaki 2:17 ပူးပေါင်းရင်းမြစ်များ

Job 34:17

A yll governa neb a gas gwirvreus? A vynnydh y dhampnya neb yw gwiryon ha galloesek,

Job 34:36

Unnweyth a pe Job prevys bys y'n gorfenn, rag ev dhe worthybi kepar ha gwer dhrog.

Job 36:17

‘Mes leun os a vreus erbynn an tebelwas; breus ha gwirvreus re'th synsis.

Job 9:24

Res yn leuv an debeles yw an norvys; ev a gudh fas y vreusysi. Mar nyns yw ev, piw yw ytho?

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ysay 1:14

Agas loeryow nowydh ha'gas goelyow apoyntys ow enev a gas. Begh yns i warnav; skwith ov vy a'ga doen.

Ysay 29:15

Go-i an re a gudh aga husul yn town dhiworth an Arloedh ha gul aga oberow y'n tewlder; yn-medhons, ‘Piw a'gan gwel? Piw a'gan aswonn?’

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 43:22

Saw ny elwsys warnav, A Yakob; mes ty re beu skwithys orthiv, A Ysrael.

Ysay 43:24

Ny brensys dhymm kalamus gans arghans, ha ny resys dhymm gwalgh a vlonek a'th sakrifisow, mes ty re'm beghyas gans dha beghosow; ty re'm skwithas gans dha dhrogoberow.

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Yeremia 15:6

Ty re'm denaghas, yn-medh an Arloedh, ty yw gyllys war-dhelergh: ytho my a ystynn ow leuv er dha bynn, ha'th tistrui; skwith ov ow koedha yn edrek.

Yeremia 17:15

Ottensi ow leverel dhymm, ‘Ple'ma ger an Arloedh? Des lemmyn!’

Yeremia 44:22

Ny ylli an Arloedh perthi na fella agas drog wriansow, ha'n taklow kasadow a wrussowgh; yndella agas tir a dheuth ha bos ynyal ha gwast ha molleth, heb annedhyas, kepar hag y'n jydh hedhyw.

Ezekiel 16:43

Drefenn na berthsys kov a dhydhyow dha yowynkneth, mes ty a'm sorras gans oll an taklow ma, otta, my ynwedh a attal dha fordh war dha benn, yn-medh an Arloedh Duw. A ny wrussys vilta dres oll dha daklow kasadow?

Ezekiel 18:25

Mes hwi a lever, ‘Fordh an Arloedh yw anewn.’ Klewewgh, chi Ysrael: Yw ow fordh anewn, po a nyns yw agas fordhow hwi anewn?

Ezekiel 8:12

Ena yn-medh ev dhymm, ‘A welsys, A vab den, an pyth usi henavogyon chi Ysrael ow kul y'n tewlder, peub yn chambouryow y imajys? Rag yn-medhons, “An Arloedh ny'gan gwel, an Arloedh re forsakyas an tir.” ’

Ezekiel 9:9

Hag yn-medh ev dhymm, ‘Anewnder chi Ysrael ha Yuda yw pur, pur vras; an tir yw leun a woes, ha'n sita yw leun a gammder; rag yn-medhons, “An Arloedh re forsakyas an tir, ha ny wel an Arloedh.”

Amos 2:13

Otta, my a'gas gwask y'n dor, kepar dell yw gweskys y'n dor kert gorveghys gans vanalow.

Sefania 1:12

Hag y hwyrvydh y'n termyn na y hwithrav Yerusalem gans lugern, ha kessydhya an dus neb yw attes, kowlys avel gwin gesys war an godhes: neb a lever yn aga holonn, ‘Ny wra an Arloedh dader, na ny wra drog.’

Malaki 2:14

Hwi a lever, ‘Prag?’ Rag an Arloedh yw test yntra jy ha gwreg dha yowynkneth, a-ban derrsys fydh gensi, kynth yw hi dha gowethyades, an wreg a'th kevambos demmedhyans.

Malaki 3:8

A lader den dhiworth Duw? Mes hwi a lader dhiworthiv. Hwi a lever, ‘Fatell ledryn dhiworthis?’ An dega ha'n offrynn!

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.