Malaki 2:14 - An Bibel Kernewek 20234 (Kernewek Kemmyn)

¹⁴ Hwi a lever, ‘Prag?’ Rag an Arloedh yw test yntra jy ha gwreg dha yowynkneth, a-ban derrsys fydh gensi, kynth yw hi dha gowethyades, an wreg a'th kevambos demmedhyans.

Malaki 2:14 ပူးပေါင်းရင်းမြစ်များ

Jenesis 2:18

Hag yn-medh an Arloedh Duw, ‘Nyns yw da bos an den y honan; my a vynn gul gweres, gwiw dhodho.’

Jenesis 31:50

Mar mynnydh tebeldhyghtya ow myrghes, ha mar kemmerydh gwragedh erell ryb ow myrghes, kyn na vo denvyth genen, mir, Duw yw dustuni yntra my ha ty.’

Lavarow Koth 2:17

neb a forsak koweth hy yowynkneth hag a ankev kevambos hy Duw,

Lavarow Koth 30:20

Hemm yw fordh avoutres: hi a dheber hag a sygha hy ganow ha leverel, ‘Ny wrug vy drog vyth.’

Lavarow Koth 5:20

Prag yth osta kammledys, ow mab, gans benyn estren, ha byrla diwvronn alyon?

Ekklesiastes 9:9

Bydh lowen y'th vewnans gans dha wreg veurgerys oll an dydhyow a'th vewnans euver re ros dhis Duw yn-dann an howl, oll an dydhyow a'th euveredh, rag henn yw dha rann y'th vewnans, hag a'th lavur a wre'ta dhe oberi yn-dann an howl.

An Gan a Ganow 1:15

Otta! teg os, ow huv kolonn, Otta, teg os, kelemmi yw dha dhewlagas.

Ysay 54:6

Rag an Arloedh re'th helwis, avel gwreg forsakys ha grevys yn spyrys, avel gwreg yowynkneth gour, pan yw hi tewlys dhe-ves, yn-medh dha Dhuw.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Yeremia 29:23

drefenn i dhe wul bileni yn Ysrael ha gul avoutri gans gwragedh aga hentrevogyon, ha kewsel y'm hanow vy geryow gowek na worhemmynnis dhedha; my yw ev neb a woer hag a dheg dustuni, yn-medh an Arloedh.

Yeremia 42:5

Ena i a leveris dhe Yeremia, ‘Re bo an Arloedh gwir dhustunier ha len er agan pynn mar ny wren war-lergh pup-tra a dhannvon dhyn an Arloedh dha Dhuw dredhos.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Yeremia 9:2

A pe dhymm harber an dremenysi y'n gwylvos may tiberthiv a'm pobel, ha mos anedha! Rag avoutroryon yns i oll, kuntelles a draytours.

Ezekiel 16:8

Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.

Mika 1:2

Klewewgh, hwi boblow oll! Goslow, A norvys, ha pup-tra eus ynno! Bedhes an Arloedh Duw test er agas pynn, an Arloedh a'y dempel sans.

Malaki 2:15

A ny's gwrug an unn Duw, kig ha spyrys? Ha pandr'a vynn an unn Duw marnas agh duwek? Rakhenna gwithewgh war agas spyrys, ha na vydh dislen orth gwreg dha yowynkneth.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Malaki 3:8

A lader den dhiworth Duw? Mes hwi a lader dhiworthiv. Hwi a lever, ‘Fatell ledryn dhiworthis?’ An dega ha'n offrynn!

Breusysi 11:10

Ha henavogyon Gilead a leveris dhe Yefthagh, ‘An Arloedh a vydh yn test yntredhon; mar ny wren war-lergh dha eryow.’

1 Samuel 12:5

Yn-medh ev dhedha, ‘An Arloedh yw test er agas pynn, ha'y untys yw test y'n jydh ma, na drovsowgh travyth y'm leuv.’ Hag i a worthybis, ‘Ev yw test.’