Lyther Yud 1:9 - An Bibel Kernewek 20234 (Kernewek Kemmyn)

⁹ Pan argyas an arghel Mighal yn-dann strivya gans an jowl a-dro dhe gorf Moyses, ny vedhas ev ri breus a vlasfemi er y bynn, mes leverel, ‘Re'th kerettho an Arloedh’,

Lyther Yud 1:9 ပူးပေါင်းရင်းမြစ်များ

1 Kroniklys 12:17

Davydh eth yn-mes dhe vetya gansa, hag yn-medh ev dhedha, ‘Mar teuvewgh dhymm yn spyrys kres dhe'm gweres, ow holonn a vydh onan genowgh; mes mar teuvewgh dhe'm trayta dhe'm eskerens kyn nag eus drogober y'm diwla, re'gas gwello Duw agan tasow ha'gas keredhi.’

Eksodus 22:28

Ny wredh milliga Duw, na mollethi rewler dha bobel.

Daniel 10:13

Pryns ruvaneth Persia a sevi er ow fynn der unn jydh warn ugens; mes Mighal, onan a'n kynsa prynsys, a dheuth rag ow gweres, ha my a'n gasas ena gans pryns ruvaneth Persia.

Daniel 10:21

Mes my dhisplet dhis an pyth yw skrifys yn lyver an gwiryonedh. Nyns eus nagonan a sev yn krev genev erbynn an re na, marnas Mighal agas pryns.

Daniel 12:1

‘Ha dhe'n prys na y sev Mighal, an pryns meur neb a skoedh mebyon dha bobel; hag y fydh seson a ankres, a'n par na veu a-dhia dhalleth an genedhel bys y'n eur na. Mes y'n eur na y hwra dha bobel skapya, pub huni neb a vydh kevys skrifys y'n lyver.

Zekaria 3:2

An Arloedh a leveris dhe Satnas, ‘An Arloedh re'th kerettho, Satnas! An Arloedh, usi ow tewis Yerusalem, re'th kerettho! A nyns yw hemma yttew tennys mes a'n tan?’

Mark 15:29

Ha'n dremenysi a'n kablas, ow shakya aga fenn, hag ow leverel, ‘Aha! ty, neb a dhistru an tempel hag a'n drehav kyns penn trydydh,

Dewteronomi 34:6

Ev a'n ynkleudhyas y'n nans yn pow Moab, a-dal Beth-peor, mes denvyth ny woer tyller y vedh bys y'n jydh hedhyw.

1 Thessalonianys 4:16

Rag an Arloedh y honan gans kri gorhemmynn, gans lev arghel, ha gans hirgorn Duw, a dhiyskynn dhiworth nev, ha'n re varow yn Krist a sev yn kynsa.

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

2 Peder 2:11

mes eledh, spit dh'aga nerth ha'ga galloes brassa, ny dhrons breus a vlasfemi er aga fynn a-dherag an Arloedh.

Diskwedhyans 12:7

Hag yth esa kas yn nev. Mighal ha'y eledh a omladhas erbynn an dhragon; ha'n dhragon a omladhas ha'y eledh hi,