Lyther Yud 1:20 - An Bibel Kernewek 20234 (Kernewek Kemmyn)

²⁰ Mes hwi garadowyon, owth omdhrehevel agas honan der agas fydh sansella, ow pysi y'n Spyrys Sans,

Lyther Yud 1:20 ပူးပေါင်းရင်းမြစ်များ

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Oberow 15:9

hag ow glanhe aga holonnow dre fydh ny wrug ev dyffrans yntra ni hag i.

Oberow 26:18

rag igeri aga dewlagas, may treyllyons dhiworth tewlder dhe wolow, ha dhiworth awtorita Satnas dhe Dhuw, may tegemmerrons gevyans a beghosow, ha kevrenn yn mysk an re sanshes dre fydh ynnov vy.”

Oberow 6:7

Ha ger Duw a devis, ha niver an dhyskyblon yn Yerusalem a veu kressys meur, hag yth esa routh vras a'n oferysi ow tos ha bos gostydh dhe'n fydh.

Oberow 9:31

Ytho, yth esa kres dhe'n eglos dres oll Yudi ha Galile ha Samaria, ha drehevys veu; ow kerdhes yn own an Arloedh hag yn konfort an Spyrys Sans, hi a balshas.

Romanyon 15:2

Plegyn ni, peub ahanan, dh'y gentrevek rag da, rag y dhrehevel.

Romanyon 8:15

Ny gemmersowgh spyrys a gethneth ow ledya arta dhe own, mes hwi a gemmeras spyrys adoptyans avel mebyon dredho may kriyn ‘Abba! Tas!’

1 Korinthianys 1:8

Ynwedh ev a wra agas krevhe bys y'n diwedh, may fowgh hwi divlam yn dydh agan Arloedh Yesu Krist.

1 Korinthianys 10:23

‘Lafyl yw pup-tra’, mes nyns yw pup-tra dhe les; ‘lafyl yw pup-tra’, mes ny wra pup-tra drehevel.

1 Korinthianys 14:15

Pandr'a wrav vy, ytho? Pysi gans an spyrys my a wra, ha pysi gans an brys ynwedh; kana gans an spyrys my a wra, ha kana gans an brys ynwedh.

1 Korinthianys 14:26

Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

Efesianys 4:12

rag darbari an syns dhe hwel menystrans, dhe dhrehevyans korf Krist,

Efesianys 4:16

dhiworth neb, an korf dien, junys ha synsys war-barth dre bub giowenn ow skoedhya war-lergh oberyans 'vas pub rann, a wra dhe'n korf tevi, rag y dhrehevyans yn kerensa.

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.

1 Timothi 1:4

ha na wrellons vri a hwedhlow hag aghskrifow heb worfenn, ow skila disput moy es dyskans duwel, yw dre fydh.

2 Timothi 1:5

ow perthi kov a'th fydh heb toell na gil a re beu kyns y'th vamm-wynn Lois hag y'th vamm Ewnike hag a drig ynnos jy, sur ov vy.

Titus 1:1

Powl, gwas Duw hag abostol Yesu Krist, war-lergh fydh an re yw dewisys gans Duw hag aswonnvos an gwir yw yn akord gans sansoleth,

Jamys 2:22

Ty a wel bos fydh ow kesoberi gans y wriansow ha bos fydh kowlwrys dre wriansow.

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

1 Yowann 5:4

Rag piwpynag a vo genys a Dhuw a feth an bys. Ha hemm yw an budhogoleth a fethas an bys: agan fydh.

Lyther Yud 1:3

Hwi garadowyon, ha genev mall dres eghenn a skrifa dhywgh a-dro dh'agan selwyans kemmyn, res o dhymm skrifa dhywgh ow pysi may striffyewgh a-barth an fydh re beu unnweyth kemmynnys dhe'n syns.

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.