Luk 23:35 - An Bibel Kernewek 20234 (Kernewek Kemmyn)

³⁵ Ha'n bobel a sevis ena ow mires; an rewloryon ynwedh a skornya ganso, ow leverel, ‘Ev a sawyas erell, omsawys ev y honan mars yw an Krist a Dhuw, an Dewisys.’

Luk 23:35 ပူးပေါင်းရင်းမြစ်များ

Salmow 22:17

My a yll nivera ow eskern oll; i a lagatt hag a vir orthiv.

Salmow 35:15

Ha pan drebuchis vy, i a omguntellas yn lowen, avel estrenyon na aswonnis vy i a omguntellas er ow fynn; i a'm skwardyas heb hedhi.

Salmow 4:2

Hwi vebyon den, pygemmys prys y fydh ow golewder treylys dhe dhespit? Pygemmys prys y kerowgh euveredh, ow hwilas gow? Sela.

Salmow 69:26

Rag i a helgh an den a wrussys y weskel, hag ynkressya galar an re a vrewsys.

Salmow 71:11

Hag yn-medhons i, ‘Duw re'n forsakyas; helghyewgh ev, ha'y gemmeres; rag nyns eus den a'n deliffro.’

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Kynvannow 3:14

Re beuv ges dhe oll ow fobel, aga skorngan oll an jydh.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Matthew 12:18

‘Awotta ow gwas a dhewisis, ow haradow mayth usi ynno ow delit; my a worr ow spyrys warnodho hag ev a dheriv breus dhe'n Jentilys.

Matthew 3:17

hag awotta lev yn-mes a'n nevow ow leverel, ‘Hemm yw ow Mab karadow, mayth usi ynno ow delit.’

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Luk 23:13

Ena Pilat a elwis war-barth an bennoferysi ha'n rewloryon ha'n bobel

Luk 23:39

Hag onan a'n dhrogoberoryon kregys ena a'n despityas ow leverel, ‘A nyns osta an Krist? Omsaw dha honan ha saw ni ynwedh!’

1 Peder 2:4

Dewgh dhodho, men bew skonys gans mab-den mes dewisys gans Duw ha drudh.