Luk 16:13 - An Bibel Kernewek 20234 (Kernewek Kemmyn)

¹³ Ny yll servont servya dew vester; rag poken ev a gas an eyl ha kara y gila, po ev a omre dhe'n eyl ha dispresya y gila. Ny yllowgh servya Duw ha mammon.’

Luk 16:13 ပူးပေါင်းရင်းမြစ်များ

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Matthew 6:24

‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.

Luk 11:23

Neb na vo genev, er ow fynn yma; ha neb na guntell genev, skoellya a wra.

Luk 14:26

‘Mar teu nebonan dhymm heb kasa y das ha'y vamm ha'y fleghes ha'y vreder ha'y hwerydh, hag ynwedh y vewnans y honan, ny yll bos ow dyskybel.

Luk 16:12

Ha mar nyns owgh hwi lel yn pythow den arall, piw a vynn ri dhywgh dha bythow dha honan?

Luk 16:9

Ha my a lever dhywgh, gwrewgh kowetha dhywgh agas honan a'n mammon a anwiryonedh, rag may fowgh wolkommys, pan fyll ev, bys yn annedhow heb diwedh.

Luk 9:50

Ha Yesu a leveris dhodho, ‘Na wra y lettya; rag neb na vo er agas pynn, ragowgh hwi yth yw.’

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’