Luk 13:19 - An Bibel Kernewek 20234 (Kernewek Kemmyn)

¹⁹ Haval yw dhe hasenn kedhow a wrug nebonan hy hemmeres ha'y hasa yn y lowarth, ha hi a devis, ha dos ha bos gwydhenn veur, hag yth esa ydhyn an ayr trigys yn hy skorrennow.’

Luk 13:19 ပူးပေါင်းရင်းမြစ်များ

An Gan a Ganow 4:12

Lowarth yn-dann alhwedh yw ow hwoer, ow fries, lowarth alhwedhys, fenten selys.

An Gan a Ganow 4:16

Difun, A wyns an gogledh, ha deus, A wyns an dyghow! hwyth war ow lowarth, dhe lesa y spisys. Des ow haradow dh'y lowarth, ha dybri y frut dentethyel.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

An Gan a Ganow 8:13

Ty neb usi trigys y'n lowarthyow, yma'n gowetha ow koslowes orth dha lev; gas vy dh'y glewes.

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Ysay 53:10

Mes an Arloedh a vynnas y vrewi; ha gul dhodho godhevel; mar kwra dh'y enev bos offrynn kammweyth, ev a wel y has, ha gul dh'y dhydhyow bos hir, ha bodh an Arloedh a sewen yn y leuv.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Ezekiel 31:6

Oll ydhyn an nevow a wrug aga neythow yn hy skorrennow, hag oll bestes an gwel a dhineythis yn-dann hy barrennow; hag yth esa oll kenedhlow meur trigys yn hy skeus.

Daniel 4:12

Teg o hy del, ha leun o hi a frut, hag ynni yth esa boes rag peub-oll. Yn-danni y hwre bestes gwyls kavoes skeus, hag yth esa ydhyn an ebron trigys yn hy skorrow; dhiworti y fedha megys pub kig.

Daniel 4:21

ha teg o hy del ha leun o hi a frut, hag ynni yth esa boes rag peub-oll, hag yn-danni y triga bestes gwyls ha war hy skorrow yth esedha ydhyn an ebron:

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Mark 4:30

Hag ev a leveris ‘Dhe bana dra a wren ni hevelebi gwlaskor Duw, po py barabolenn dredhi y hyllyn hy deskrifa?

Luk 17:6

An Arloedh a leveris, ‘Mara'gas be fydh avel has kedhow, hwi a lavarsewgh dhe'n sykaminwydhenn ma, “Bydh ty diwreydhys ha plynsys y'n mor”, ha gostydh dhis y fia.

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Oberow 21:20

Pan glewsons, i a wordhyas Duw, ha leverel dhodho, ‘Ty a wel, broder, fatell eus lies mil yn mysk an Yedhewon neb re grysis, hag i oll yw diwysyk rag an lagha;

Oberow 4:4

Mes meur a'n re neb a glewas an ger a grysis, ha niver an wer a dheuth ha bos a-dro dhe bymp mil.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’