Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.
An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.
Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;
hag y'n myttin, “Hager-awel y fydh hi hedhyw rag an ebron yw rudh ha tewl.” Hwi a woer dissernya enep an ebron, mes a ny yllowgh dissernya toknys an termynyow?
‘Rakhenna ty pan rylli alusen, na hwyth korn a-dheragos kepar dell wra an falswesyon a-bervedh y'n synagys hag y'n stretys, may hallons kavoes gordhyans dhiworth tus. Yn hwir y lavarav dhywgh, i re's teva aga gober.