Luk 11:42 - An Bibel Kernewek 20234 (Kernewek Kemmyn)

⁴² ‘Mes go-hwi Fariseow! Rag hwi a dhegev menta ha ruta ha losow oll, heb gul vri a wirvreus ha kerensa Duw; y tal dhywgh gul an re ma, heb dispresya an re na.

Luk 11:42 ပူးပေါင်းရင်းမြစ်များ

Nehemia 10:37

ha dhe dhri kynsa frut agan bleus garow, ha'gan offrynnow, ha'n frut a oll an gwydh, an win ha'n oyl, dhe'n oferysi, dhe jambouryow chi agan Duw; ha dhe dhri dhe'n Levysi an degedhow a'gan dor, rag yth yw an Levysi a guntell an degedhow yn oll an trevow le mayth oberyn.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ekklesiastes 7:18

Da yw ty dhe settya dalghenn y'n eyl gwarnyans, ha na wra gasa dha dhalghenn yn y gila; rag neb a berth own a Dhuw a dhienk dhiworth oll an taklow ma.

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Malaki 1:6

Mab a enor y das, ha gwas y vester. Ytho mars ov vy tas, ple'ma ow enor? Mars ov vy mester, ple'ma ow revrons? yn-medh Arloedh an luyow dhywgh, an oferysi, a dhispres ow hanow. Mes hwi a lever, ‘Fatell wrussyn dispresya dha hanow?’

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Malaki 3:8

A lader den dhiworth Duw? Mes hwi a lader dhiworthiv. Hwi a lever, ‘Fatell ledryn dhiworthis?’ An dega ha'n offrynn!

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 23:23

‘Go-hwi, skribys ha Fariseow, falswesyon, rag hwi a wra degevi menta ha fenogel ha kumin ha gasa dhe goll taklow poessa an lagha, ewnder ha tregeredh ha lenduri; an re ma y koedhsa dhywgh aga gul heb dispresya an re na.

Matthew 23:27

‘Go-hwi, skribys ha Fariseow, falswesyon, rag hwi yw haval dhe vedhow yw gwynnhes gans lim, teg aga semlans war-ves, mes war-ji yth yns leun a eskern tus varow hag a bub plosedhes.

Luk 18:12

My a wra penys heb dybri diwweyth y'n seythun, my a re dega a bup-tra a dhendilav.”

Yowann 5:42

mes my a'gas aswonn, nag usi kerensa Duw ynnowgh agas honan.

1 Yowann 4:20

Mar lever nebonan, ‘My a gar Duw’, ha kasa y vroder, gowleveryas yw: rag neb na gar y vroder a welas ev, ny woer ev kara Duw na welas ev.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.