Luk 10:15 - An Bibel Kernewek 20234 (Kernewek Kemmyn)

¹⁵ Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn!

Luk 10:15 ပူးပေါင်းရင်းမြစ်များ

Jenesis 11:4

Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Ysay 5:14

Rakhenna ifarn re igoras y vryansenn a-les, hag igeri y anow dres musur; hy splannder ha'y thervysk a dhiyskynn ynno, ha'y routh, hag ev neb a lowenha.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Ezekiel 26:20

ena my a'th tre yn-nans gans an re a dhiyskynn dhe'n pytt, dhe'n bobel a dermynyow koth; ha my a'th wrav dhe driga y'n dor barth a-woeles, kepar hag yn magoryow an termynyow koth, gans an re a dhiyskynn dhe'n pytt, ma na ylli dehweles, na kavoes tyller yn mysk an re vew.

Ezekiel 31:18

Piw a veu haval dhis yn glori hag yn meuredh yntra gwydh Eden? Ty a vydh dres yn-nans war-barth gans gwydh Eden dhe'n bys a-woeles; ty a wrowedh yn mysk an re antrodreghys, gans an re ledhys gans an kledha. Hemm yw Faro hag oll y routh, yn-medh an Arloedh Duw.

Ezekiel 32:18

Mab den, kyn war routh Ejyp, ha towl hi yn-nans, hi ha'n myrghes a genedhlow galloesek, bys yn rannow isella an norvys, gans an re a dhiyskynn dhe'n pytt.

Ezekiel 32:20

I a goedh yn mysk an re ledhys gans an kledha. An kledha re beu tennys; i a's drayl dhe-ves gans oll hy routhow.

Ezekiel 32:27

A ny wrowedhons gans an gasoryon erell antrodreghys a goedhas, a dhiyskynnas dhe ifarn gans aga arvow a vresel, may feu aga kledha gorrys yn-dann aga fenn? Y fydh kessydhyans aga hammweythresow war aga eskern; rag y feu euth an gasoryon ma yn tir an re vew.

Obadia 1:4

Kyn nijydh ughel kepar ha'n er, ha kyn settydh dha neyth yn mysk an ster, my a'th tre yn-nans alena, yn-medh an Arloedh.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 11:23

Ha ty, Kapernaum, a vydhydh ughelhes bys yn nev? Ty a vydh iselhes bys yn ifarn. Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw.

Matthew 4:13

Ha wosa gasa Nazareth ev eth dhe driga yn Kapernaum ryb an mor yn oryon Zebulun ha Naftali,

Luk 13:28

Hag ena y fydh oela ha skrinva dyns pan welowgh Abraham hag Ysak ha Yakob hag oll an brofoesi yn gwlaskor Duw, mes hwi tewlys yn-mes.

Luk 16:23

hag yn ifarn, hag ev yn tormentys, ev a dhrehevis y dhewlagas, ha gweles Abraham y'n pellder, ha Lazarus yn y askra.

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

2 Peder 2:4

Rag mar ny sparyas Duw eledh re wrussa pegha, mes aga dannvon yn-nans dhe dewlder Tartarus, dhe vos gwithys bys y'n vreus;