Levitikus 7:21 - An Bibel Kernewek 20234 (Kernewek Kemmyn)

²¹ Ha mar tocchyo nebonan tra avlan pynag, kepar ha den a vo avlan po best avlan po neppyth kasadow a vo avlan, ha dybri kig sakrifis an offrynnow kres a bew an Arloedh, an den na a vydh treghys dhe-ves dhiworth y bobel.

Levitikus 7:21 ပူးပေါင်းရင်းမြစ်များ

Jenesis 17:14

Ha gorreydh heb trodreghyans, nag yw trodreghys kig y gudhgenn, treghys dhe-ves dhiworth y bobel vydh an enev na; ev re dorras ow hevambos.’

Eksodus 12:15

Seyth dydh hwi a wra dybri bara heb goell; y'n kynsa dydh hwi a wra gorra goell yn-mes a'gas chiow, rag mar teppro nebonan goell, a'n kynsa dydh dhe'n seythves, an den na a vydh treghys dhiworth Ysrael.

Eksodus 12:19

Dre seyth dydh ny vydh kevys goell vyth yn agas chiow; rag mar teppro nebonan neppyth gans goell, an den na a vydh treghys a guntelles Ysrael, kyn fo alyon po genesik a'n tir.

Ezekiel 33:25

Rakhenna, lavar dhedha, Yndellma y lever an Arloedh Duw: Hwi a dheber kig gans an goes, ha drehevel agas dewlagas dh'agas idolys, ha skoellya goes. A eritowgh an tir?

Ezekiel 4:14

Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Levitikus 11:20

Pup-tra owth hesya hag ow nija hag a bedrevan war beswar troes yw pyth kasadow dhywgh.

Levitikus 12:1

An Arloedh a gewsis orth Moyses, ow leverel:

Levitikus 17:10

Ha piwpynag a ji Ysrael po a'n alyons trigys yn agas mysk a dheppro goes a neb sort, my a sett ow fas erbynn an den na a dheber goes, ha my a'n tregh dhe-ves dhiworth y bobel.

Levitikus 17:14

Rag bewnans pub kig yw y woes. Ytho my a leveris dhe vebyon Ysrael, Ny wrewgh dybri goes kig vytholl, rag bewnans pub kig yw y woes. Piwpynag a'n dheppro a vydh treghys dhe-ves.

Levitikus 18:29

Peub a wrello taklow kasadow a'n par ma, an re a's gwra a vydh treghys dhe-ves dhiworth aga fobel.

Levitikus 19:8

Neb a'n deppro a dheg y gammweyth, rag ev re dhefolas an pyth yw sans dhe'n Arloedh, ha'n den na a vydh treghys dhe-ves dhiworth y bobel.

Levitikus 20:3

Ha my a vynn settya ow fas erbynn an gour na ha'y dreghi dhe-ves a'y bobel, rag ev re ros a'y has dhe Molek dhe dhefola ow sentri ha disakra ow hanow sans.

Levitikus 22:3

Lavar dhedha, Piwpynag oll a'gas has, der agas henedhow, a dheffo nes dhe'n taklow sans a wra mebyon Ysrael aga sakra dhe'n Arloedh, ha warnodho y avlander, an den na a vydh treghys dhe-ves a'm golok. An Arloedh ov vy.

Levitikus 22:4

Piwpynag a has Aron a vo klavorek, po mayth eus dhodho sygerans ny wra dybri a'n taklow sans erna vo glan. Ha piwpynag a docchyo neppyth re dheuth ha bos avlan dre gorf marow, po gour re gavas dyllans has,

Levitikus 23:29

Piwpynag na omuvelhaho poran an jydh na a vydh treghys dhe-ves dhiworth y bobel.

Levitikus 7:20

Mes ev neb a dheber neppyth a gig sakrifis an offrynnow kres a bew an Arloedh, hag ev avlan, an den ma a vydh treghys dhe-ves dhiworth y bobel.

Levitikus 7:22

Ha'n Arloedh a gewsis orth Moyses, ow leverel:

Levitikus 7:25

Rag piwpynag a dheppro blonek best a veu offrynnys dre dan dhe'n Arloedh – neb a'n dheppro a vydh treghys dhe-ves dhiworth y bobel.

Levitikus 7:27

Piwpynag a dheppro neppyth a woes, an keth henna a vydh treghys dhe-ves dhiworth y bobel.

Niverow 19:22

Ha pypynag a wra an den avlan y dochya a vydh avlan; ha piwpynag a'n tocchyo a vydh avlan bys an gorthugher.

Dewteronomi 14:10

Mes pup-tra na'n jeves eskelli-pysk ha skans ny dhebrowgh; avlan yw dhywgh.

Dewteronomi 14:3

Ny dhybrydh travyth vil.

1 Samuel 20:26

Mes ny leveris Sowl travyth an jydh na; rag ev a dybi, ‘Neppyth re hwarva dhodho; nyns yw ev glan, yn sur nyns yw ev glan.’