Levitikus 26:33 - An Bibel Kernewek 20234 (Kernewek Kemmyn)

³³ Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Levitikus 26:33 ပူးပေါင်းရင်းမြစ်များ

1 Myghternedh 8:46

‘Mar peghons er dha bynn – rag nyns eus nagonan na begh – ha ty yw serrys gansa ha's redh dhe eskar, mayth ons degys dhe-ves yn kethneth dhe dir an eskar, pell po ogas;

2 Myghternedh 25:9

Ev a loskas chi an Arloedh, ha chi an myghtern, hag oll chiow Yerusalem; pub chi bras ev a loskas gans tan.

2 Kroniklys 7:19

‘Mes mar treylydh a-denewen ha gasa ow ordenansow ha'm gorhemmynnow re worris a-ragos, ha mones ha servya duwow erell ha'ga gordhya,

Nehemia 1:3

Yn-medhons dhymm, ‘An remenant yw gesys a'n gethneth ena y'n rannvro yw yn galar bras ha mewl; ynwedh fos Yerusalem yw terrys dhe'n dor, ha'y yetow leskys gans tan.’

Nehemia 1:8

Porth kov, my a'th pys, a'n ger a erghsys dhe'th was Moyses, ow leverel, “Mar pydhowgh dislel, my a'gas skatter a-les yn mysk an kenedhlow;

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Salmow 106:27

dhe wul dh'aga has koedha yn mysk an kenedhlow, ha dh'aga skattra y'n broyow.

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Salmow 44:12

Ty a werthas dha bobel a dravyth, ha dhiworth aga fris ny gemmersys prow.

Ysay 1:7

Agas tir yw ynyal, agas sitys leskys gans tan; yn agas lok estrenyon a dhevor agas tir, hag ynyal yw, kepar dell ve domhwelys gans estrenyon.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Yeremia 13:24

Ytho my a's skatter avel an kulyn yw hwythys gans gwyns an gwylvos.

Yeremia 15:4

Ha my a wra dhedha bos euth rag oll gwlaskordhow an nor, drefenn Manasse mab Hezekia myghtern Yuda, rag an pyth a wrug ev yn Yerusalem.

Yeremia 31:10

Klewewgh ger an Arloedh, hwi genedhlow, ha'y dhisklerya dhe'n ynysow pell; leverewgh, ‘Ev neb a skattras Ysrael a wra y guntell, ha'y witha par dell wra an bugel y flokk.’

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Yeremia 8:3

Mernans a vydh dewisys kyns es bewnans gans oll an re gesys a'n tebel deylu ma, neb a worta yn oll an tylleryow le ma's herdhis, yn-medh Arloedh an luyow.

Yeremia 9:16

My a wra aga skattra yn mysk an kenedhlow, na aswonnis naneyl i na'ga thasow: ha my a wra dannvon kledha war aga lergh bys pan y's diswrav yn tien.

Kynvannow 1:1

1 Ass yw an sita owth esedha digoweth hag o leun a dus! Ass yw hi gyllys kepar ha gwedhwes, hag o meur y'n kenedhlow! Neb o pennseviges y'n powyow re beu gorrys yn keth dhe hwel krev.

Kynvannow 1:3

Yuda res eth yn divroedh wosa galar ha wosa gwasonieth kales; hi a drig yn mysk an kenedhlow; mes ny gyv powesva; hy helghysi oll re settyas dalghenn ynni yn kres hy foenvos.

Kynvannow 4:15

‘Dhe-ves! Avlan!’ a veu kriys warnedha. ‘Dhe-ves! Dhe-ves! Na dochyewgh!’ Ytho i a fias dhe'n fo ha gwandra. Y leverys y'n kenedhlow, ‘Na wrens i triga omma namoy.’

Kynvannow 4:16

Fas an Arloedh re wrug aga skattra, ny vir orta namoy, ny enorsons fasow oferysi, ny faversons henavogyon.

Ezekiel 12:20

An trevow annedhys a vydh ynyal ha'n tir a vydh gwastyes; ha hwi a woer my dhe vos an Arloedh.

Ezekiel 20:23

Ynwedh my a dhrehevis ow leuv ow ti dhedha yn difeythtir, my dh'aga skattra y'n kenedhlow ha dh'aga skoellya y'n gwlasow,

Ezekiel 22:15

My a wra dha lesa yn kenedhlow ha'th skattra y'n powyow, ha kartha dhiworthis dha vostedhes.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Hosea 9:6

Awotta, galsons drefenn kollva, Ejyp a's kuntell, Memfis a wra aga ynkleudhyas. Hwynn a erit aga thresoryow a arghans, ha spern a vydh yn aga thyldow.

Amos 9:4

Ha kynth ons yn kethneth dherag aga eskerens, ena yth arghav dhe'n kledha, hag ev a's ladh; ha my a worr ow dewlagas warnedha rag drog, a-der rag da.

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!