Levitikus 25:55 - An Bibel Kernewek 20234 (Kernewek Kemmyn)

⁵⁵ Rag gwesyon dhymmo vy yw mebyon Ysrael. Ow gwesyon yns i, a dhres vy yn-mes a bow Ejyp. An Arloedh agas Duw ov vy.

Levitikus 25:55 ပူးပေါင်းရင်းမြစ်များ

Salmow 116:16

Yn hwir, A Arloedh, dha was ov vy, dha was ov vy, ha mab dha vaghteth. Ty re dorras ow holmennow.

Eksodus 13:3

Ha Moyses a leveris dhe'n bobel, ‘Perthewgh kov a'n jydh ma, pan dheuthewgh yn-mes a Ejyp, yn-mes a'n chi a gethneth, rag an Arloedh a'gas dros a'n tyller ma gans leuv grev; bara goell ny vydh dybrys.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Ysay 43:3

Rag yth ov an Arloedh, dha Dhuw, an Sans a Ysrael, dha Selwyas. Ejyp a rov avel dha dhaspren, Ethiopia ha Seba yn keschanj ragos.

Levitikus 25:42

Rag an re ma yw ow gwesyon a dhres vy yn-mes a bow Ejyp. Ny vydhons gwerthys avel kethwesyon.

Levitikus 25:54

Ha mar nyns yw dasprenys yndella, ev a vydh rydhhes yn blydhen an yubile, ev ha'y fleghes ganso.

Levitikus 26:1

Ny wrewgh ragowgh idolys, ha ny dhrehevowgh ragowgh imaj gravys na peulven, na settya men gravys war agas tir dhe omblegya dhodho, rag an Arloedh agas Duw ov vy.

Romanyon 6:14

Rag ny'n jevydh pegh maystri warnowgh, a-ban nag esowgh yn-dann lagha mes yn-dann ras.

Romanyon 6:22

Mes wosa hwi dhe vos delivrys dhiworth mernans ha devedhys ha bos kethyon dhe Dhuw, an pewas a'gas beus yw sansheans, ha'y fin yw bewnans heb diwedh.

1 Korinthianys 9:19

Rag kynth ov kwit a dus oll, my a omwrug keth dhe bubonan, may hwaynnyen tus voy.

1 Korinthianys 9:21

Dhe'n re a-ves dhe'n lagha my eth ha bos avel onan a-ves dhe'n lagha – kyn nag esov evy a-ves dhe lagha Duw, mes yn-dann lagha Krist – may hwaynnyen an re a-ves dhe'n lagha.

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.