Levitikus 25:39 - An Bibel Kernewek 20234 (Kernewek Kemmyn)

³⁹ Ha'th vroder trigys genes, mar teu ha bos boghosek hag yw gwerthys dhis, ny wre'ta y gonstryna dhe servya kepar ha kethwas,

Levitikus 25:39 ပူးပေါင်းရင်းမြစ်များ

1 Myghternedh 9:22

Mes ny gethhas Solomon nagonan a'n Ysraelysi; yth ens y soudoryon, y soedhogyon, y gaslewydhyon, y gaptenyon ha hembrenkysi y jarettow ha'y varghoglu.

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

2 Kroniklys 28:10

Lemmyn hwans a'gas beus dhe wul mebyon Yuda ha Yerusalem agas kethyon ha kethesow. A nyns owgh hwi ynwedh kablus a-rag an Arloedh agas Duw?

Nehemia 5:5

Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Eksodus 1:14

ha gul aga bewnans hwerow yn gwasonieth kales, yn pri, hag yn brykkys, hag yn pub eghenn a wonis y'n gwel; oll aga gonis ynno may hwrussons dhedha servya o garow.

Eksodus 21:2

Pan brenydh keth ebrow, ev a serv hwegh blydhen, hag y'n seythves ev a yll mos rydh, heb kendon.

Eksodus 22:3

Mars yw sevys an howl warnodho y fydh kabel-goes ragdho. Ev a wra daskorrans; mar ny'n jeves travyth ena ev a vydh gwerthys drefenn y ladrynsi.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 27:7

An kenedhlow oll a'n serv, ha'y vab, ha mab y vab, bys pan dheu termyn y dir y honan; ena lies kenedhel ha myghternedh veur a wra y gethhe.

Yeremia 30:8

Rag y'n jydh na, yn-medh Arloedh an luyow, my a derr an yew a'th konna, ha my a dardh dha rawyow, ha ny wra estrenyon aga gul yn kethyon namoy.

Yeremia 34:14

‘Dhe benn seyth blydhen livrewgh peub y vroder ebrow re beu gwerthys dhis ha'th servya hwegh blydhen; ty a'n liver ahanas.’ Mes ny woslowas agas tasow orthiv, na treylya aga skovarn dhymm.

Yeremia 34:8

An ger hag a dheuth dhe Yeremia a-dhiworth an Arloedh wosa myghtern Sedekia dhe wul kevambos gans oll an bobel yn Yerusalem dhe wrontya rydhses dhedha,

Yeremia 34:9

may liffrons peub aga hethyon ha'ga hethesow ma na synso nagonan Yedhow, y vroder, yn kethneth.

Levitikus 25:46

Ha hwi a's kemmer avel eretons rag agas fleghes war agas lergh, dhe erita avel perghennogeth bys vykken. Hwi a's gwith avel kethyon. Mes ny wrewgh hwi rewlya gans garowder war agas breder, mebyon Ysrael, an eyl war y gila.

Matthew 18:25

Hemma pan na'n jeva pygans dhe attyli, y vester a worhemmynnis may fe gwerthys keffrys ha'y wreg ha'y fleghes ha pup-tra oll a'n jeva ha'n gendon dhe vos attylys.