Levitikus 25:35 - An Bibel Kernewek 20234 (Kernewek Kemmyn)

³⁵ Ha mars yw dha vroder devedhys ha bos boghosek ha heb pygans yn dha herwydh, ty a wra y ventena; kepar hag alyon po godriger y fydh ev trigys genes.

Levitikus 25:35 ပူးပေါင်းရင်းမြစ်များ

Nehemia 5:1

Y yth esa garm ughel a'n bobel ha'ga gwragedh erbynn aga breder an Yedhewon.

Nehemia 5:3

Yth esa ynwedh neb a leveri, ‘Ni re arwoestlas agan gwelyow, agan gwinlannow, ha'gan chiow rag prena ys drefenn an divoetter.’

Job 31:16

‘Mar skonis hwansow an voghosogyon, po gul dhe dhewlagas an wedhwes fyllel,

Salmow 112:5

Dremas yw grassyes hag ev a re kendon; ev a dhyght y negysyow gans breus.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 37:26

Oll an jydh ev yw grassyes hag a re kendon, hag yma bennath war y has.

Salmow 41:1

Gwynnvys neb a wra vri a'n den gwann; an Arloedh a'n delirv yn dydh anken.

Eksodus 22:21

Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Eksodus 22:24

hag ow sorr a wra leski, ha my a'gas ladh dre gledha, ha'gas gwragedh a vydh gwedhwesow ha'gas mebyon a vydh omdhivasow.

Eksodus 22:25

Mar prestydh arghans dhe nebonan a'm pobel genes neb yw boghosek, ny vydhydh dhodho avel kresysor, ha ny wovynnydh oker anodho.

Eksodus 23:9

Ynwedh, ny wredh arwaska alyon; hwi a aswonn kolonn alyon, rag hwi o alyons yn pow Ejyp.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 17:5

Neb a skorn an boghosek a arvedh y Wrier; neb a lowenha pan wel terroes tus erell ny vydh divlam.

Lavarow Koth 19:17

Neb yw grassyes orth an voghosogyon a re kendon dhe'n Arloedh, hag ev a re dhodho attal y ober.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Levitikus 25:25

Mars yw dha vroder devedhys ha bos boghosek hag ev a werth y berghennogeth, ena res yw y neshevin dhe dhos ha dasprena an pyth re werthas y vroder.

Matthew 25:35

Rag nown a'm beu ha hwi a ros dhymm dhe dhybri, syghes a'm beu ha hwi a ros dhymm dhe eva, estren en vy, ha hwi a'm wolkommas,

Mark 14:7

Rag hwi a gyv an voghosogyon pub eur genowgh ha pan vynnowgh, hwi a yll gul da dhedha, mes ny'm kevowgh vy pup-prys.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 12:8

Rag hwi a gyv an voghosogyon pub eur genowgh, mes my ny'm kevowgh pup-prys.’

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Romanyon 12:13

ow provia rag edhommow an syns, ow siwya helder.

Romanyon 12:18

Mar kyllir, myns may hyllowgh, ow hwilas kres gans tus oll.

Romanyon 12:20

Mes pella, ‘Mars eus nown dhe'th eskar, mag e; mars eus syghes dhodho, ro diwes dhodho; rag ow kul hemma ty a worr bern a golennow bew war y benn.’

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

2 Korinthianys 9:1

Nyns eus dhymm edhomm a skrifa a-dro dhe'n menystrans dhe'n syns,

Galatianys 2:10

marnas i a vynnas orthyn perthi kov a'n voghosogyon, an keth tra may feu hwans dhymm dh'y wul.

Dewteronomi 23:19

Na brest dhe'th vroder ow kovynn oker: oker arghans, oker boes, oker a dravyth arall yw prestys ow kovynn oker.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.

1 Yowann 3:17

Mes neb a'n jeves pyth an bys ma, hag a wel bos dh'y vroder edhomm hag a dhege y golonn orto, fatell drig ynno kerensa Duw?