Levitikus 25:19 - An Bibel Kernewek 20234 (Kernewek Kemmyn)

¹⁹ Ha'n tir a re y frut ha hwi a dheber dha walgh ha triga ynno yn sawder.

Levitikus 25:19 ပူးပေါင်းရင်းမြစ်များ

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

Salmow 67:6

An dor re ros y drevas; Duw, agan Duw re'gan bennigas.

Salmow 85:12

Yn hwir an Arloedh a re dader, ha'gan tir a re y drevas.

Lavarow Koth 1:33

mes neb a woslow orthiv a wra triga yn sawder, hag a vydh attes, heb euth a dhroktra.’

Ysay 1:19

Mars yw agas bodh ha mar pydhowgh gostydh, hwi a dheber dader an tir;

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ezekiel 36:30

My a voghha froeth an gwydh hag askorr an gwel, ma na berthowgh arta skorn an kenedhlow drefenn divoetter.

Yoel 2:24

An leuryow-drushya a vydh leun a ys, ha'n gwinwaskow a fenn a win hag oyl.

Yoel 2:26

Hwi a dheber ha bos lenwys, ha gormel hanow an Arloedh agas Duw, neb re'gas dyghtyas marthys da, ha ny wra ow fobel perthi meth bynitha.

Levitikus 25:18

Ytho, hwi a wra ow ordenansow ha gwitha ow breusow ha'ga gul, ha hwi a drig y'n pow yn sawder.

Levitikus 25:20

Ha mar leverowgh, Pandr'a wren ni dybri y'n seythves blydhen, mar ny wren ny hasa na kuntell agan trevas?

Levitikus 26:4

my a re dhywgh glawyow yn aga sesonyow ha'n tir a re y drevas, ha gwydh an gwel a re aga frut.

Levitikus 26:5

Ha'gas termyn fusta a bes bys yn termyn trevas an grappys, ha trevas an grappys a bes bys yn termyn hasa; ha hwi a dheber agas bara dhe walgh, ha triga yn agas tir yn saw.

Levitikus 26:6

Ha my a re kres y'n pow, ha hwi a wrowedh, ha denvyth ny wra dhywgh perthi own. Ha my a bellha tebel bestes a'n tir, ha ny vydh an kledha ow tremena der agas pow.

Dewteronomi 12:10

Mes pan dreusowgh an Yordan ha triga y'n tir a wra an Arloedh agas Duw y ri dhywgh dh'y erita, ha pan re powes dhywgh dhiworth oll agas eskerens a-derdro, hwi a drig yn sawder.