Levitikus 25:14 - An Bibel Kernewek 20234 (Kernewek Kemmyn)

¹⁴ Mar kwerthydh neppyth dhe'th kentrevek, po prena dhiworth dha gentrevek, ny wrewgh hwi gwaska an eyl y gila.

Levitikus 25:14 ပူးပေါင်းရင်းမြစ်များ

2 Kroniklys 16:10

Ena Asa a sorras orth an gwelesydh, hag a'n gorras y'n stokkys, yn prison, drefenn ev dhe berthi konnar orto rag hemma. Hag Asa a debeldhyghtyas re a'n bobel y'n keth termyn na.

Salmow 10:18

dhe ri gwirvreus dhe'n omdhivas ha'n den arweskys, ma na wrello den war an nor gorra own namoy.

Lavarow Koth 14:31

Neb a arwask den boghosek a arvedh y Wrier, mes neb yw kuv dhe'n voghosogyon a'n enor.

Lavarow Koth 21:13

Neb a dhege y dhiwskovarn orth kri an boghosek, ev ynwedh a gri heb bos klewys.

Lavarow Koth 22:16

Neb a arwask an boghosek dhe ynkressya y rychys, ha neb a re dhe'n den rych, a dheu dhe esow.

Lavarow Koth 28:16

Rewler heb konvedhes a gyv dre nerth, mes neb a gas gwayn anewn a'n jevydh bewnans hir.

Lavarow Koth 28:3

Gour boghosek hag a arwask an voghosogyon yw avel glaw tynn na as trevas.

Lavarow Koth 28:8

Neb a voghha y rychys der oker ha moghheans a'n kuntell a-barth den arall a vydh hegar dhe'n voghosogyon.

Ekklesiastes 5:8

Mar kwelydh arwask an boghosek ha ladrans a wirvreus hag ewnder yn rannvro, na borth marth a'n dra. Rag dres soedhek ughel yma soedhek ughella, ha dres an re ma yma tus ughella hwath.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Ysay 33:15

An den a gerdh yn ewnder ha kewsel ewnhynseth, neb a dhenagh gwayn a arwask, neb a shak y dhiwleuv ma na synsons falswober, ha stoppya y skovarn ma na glewons a skoellya goes, ha degea y dhewlagas ma na welons drog –

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Ezekiel 22:7

Ynnos re beu tas ha mamm despitys; y'n kres ahanas i re arwaskas an alyon ha tebeldhyghtya an omdhivas ha gwedhwes.

Levitikus 19:13

Ny wre'ta arwaska dha gentrevek na'y robbya. Ny wra gober gwas arvethys gortos genes jy oll an nos bys y'n myttin.

Levitikus 25:15

Ty a bren dhiworth dha gentrevek orth an myns a'n blydhynyow wosa an yubile; hag ev a'n gwerth dhis orth an myns a'n blydhynyow a frut yw gesys.

Levitikus 25:17

Ytho, ny wrewgh hwi gwaska an eyl y gila, mes ty a berth own a dha Dhuw, rag an Arloedh agas Duw ov vy.

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Luk 3:14

Ha soudoryon ynwedh a wovynni orto ow leverel, ‘Ha ni, pandr'a wren ni?’ Hag ev a leveris dhedha, ‘Na ledrewgh dre wodros dhiworth denvyth, ha na guhudhewgh yn fals, ha bedhewgh kontentys gans agas arveth.’

1 Korinthianys 6:8

Mes hwi agas honan a wra drokoleth ha toell, ha hemma erbynn agas breder hwi.

Breusysi 4:3

Ena mebyon Ysrael a grias dhe'n Arloedh rag gweres; rag ev a'n jevo kans charett a horn, ha re arwasksa mebyon Ysrael yn fell ugens blydhen.